Deuterokanonik kitabları Yoxlama versiyası

Kitabın məzmunu:
1:1–2:23 Esterin mələkə olması
3:1–4:47 Yəhudilərə qarşı Hamanın sui-qəsdi
5:1–7:10 Hamanın öldürülməsi
8:1–10:14 Yəhudilərin qələbəsi
1
Mordokayın yuxusu
A
1 [1]   Böyük   Axaşveroşun   padşahlığının
ikinci ilində, Nisan ayının birinci günündə,
Binyamin   qəbiləsindən   Kiş   oğlu,   Şimi
oğlu, Yair oğlu Mordokay bir yuxu gördü. 
[2] O, Şuşan şəhərində yaşayan bir yəhudi
idi və padşah sarayında böyük vəzifəsi var
idi. 3 [3] Babil padşahı Navuxodonosorun
Yəhuda   padşahı   Yehoyakinlə   birlikdə
Yerusəlimdən sürgün etdiyi əsirlərdən biri
idi.
4 [4] Mordokayın gördüyü yuxu belə idi:
yer üzündə dəhşətli səs-küy, göy gurultusu,
zəlzələ və çaxnaşma var. 5 [5] Budur, bir-
biri ilə vuruşmağa hazır olan, çox ucadan
nərildəyə-nərildəyə   iki   böyük   əjdaha
göründü.   6 [6]   Onların   səsini   eşidən
xalqlar   saleh   xalqı   vurmaq   üçün
müharibəyə hazırlaşdılar. 7 [7] Yer üzündə
qaranlıq və zülmət, kədər və sıxıntı, iztirab
və   çaxnaşma   günüdür.   8 [8]   Saleh   xalq
karıxdı, onları gözləyən bəla içində dəhşətə
düşdü   və   ölümə   hazırlaşaraq   Allaha
yalvardı.   9 [9]   Sonra   bu   fəryaddan   kiçik
bulaqdan   gəlirmiş   kimi   böyük   bir   çay
doğdu və su sel kimi axdı. 10 [10] Günəş
və işıq parlamağa başladı və özünü aşağı
tutanlar   ucaldılar   və   şöhrətpərəstləri
qırdılar.
11 [11] Allahın nə etmək istədiyini təsvir
edən   gördüyü   bu   yuxudan   oyanan
Mordokay onu ürəyində saxladı və bunun
mənasını   təfsilatı   ilə   başa   düşmək   üçün
gecənin qalan hissəsini əlləşdi.