Deuterokanonik kitabları Yoxlama versiyası
Yüklə 0,96 Mb. Pdf görüntüsü
|
| Mələkə Vaşti
26 [9] Padşah Axaşveroşun sarayındakı qadınlar üçün mələkə Vaşti də bir ziyafət vermişdi. 27 [10] Yeddinci gün şərab içib keflənən padşah Axaşveroş qulluğunda duran yeddi hərəmağası olan Mehuman, Bizzeta, Xarvona, Biqta, Avaqta, Zetar və Karkasa mələkə Vaştini mələkəlik tacı ilə hüzuruna gətirmələrini əmr etdi. 28 [11] Mələkə Vaşti çox gözəl idi, padşah xalqın və rəislərin onun gözəlliyini seyr etməsini istəyirdi. 29 [12] Amma mələkə Vaşti hərəmağaların ona bildirdikləri padşahın əmrinə əməl etməyi rədd etdi. Padşah çox hirsləndi və hirsi getdikcə artdı. 30 [13] Padşah dostlarından soruşdu: «Vaştinin cavabı budur. Bu barədə öz fikrinizi və hökmünüzü söyləyin». 31 [14] Padşaha yaxın və yanında oturanlardan ən birinciləri olan Fars ölkəsi ilə Midiyanın hakimləri Karşena, Şetar və Malesear padşahın yanına gəldilər. 32 [15] Onlar mələkə Vaşti ilə qanuna uyğun olaraq necə rəftar etməyi padşaha bildirdilər, çünki mələkə Vaşti hərəmağalar tərəfindən ona bildirilən padşahın əmrinə itaət etməmişdir. 33 [16] Padşahın və rəislərin qarşısında Memukan bu cavabı verdi: «Vaşti təkcə padşaha deyil, eyni zamanda, padşah Axaşveroşun vilayətlərində yaşayan bütün rəislərə və xalqlara zərər verdi. 34 [17] (O, mələkənin sözlərini və padşaha zidd çıxdığını onlara çatdırdı). Beləliklə, mələkə padşah Axaşveroşla belə davrandı. 35 [18] Bütün Fars və Midiya başçılarının arvadları mələkənin hərəkətindən bu gün xəbər tutacaq və bu hərəkət ərlərinə belə həqarətlə baxmağa onları ürəkləndirəcək. 36 [19] Beləliklə, əgər padşah razıdırsa, Farsların, həm də Midiyalıların qanunlarına uyğun olan bir hökm fərmanı 37 yazdırsın və bu fərman dəyişməz olsun. Bu fərmana görə Vaşti padşah Axaşveroşun hüzuruna bir daha çıxmasın və padşah mələkə olaraq bu yerə daha layiqli qadını seçsin. 37 [20] Padşahın fərmanı padşahlığının hər tərəfində oxunsun. Beləcə, istər əsilzadə, istərsə də xalqdan olsun, bütün qadınlar bundan belə ərlərinin səlahiyyətini qəbul edəcək və ərlərinə tabe olacaqlar». 38 [21] Bu sözlər padşahın xoşuna gəldi və rəislərlə padşah Memukanın təklifini qəbul etdi. 39 [22] Padşahlığın bütün vilayətlərinə hər xalqın öz dilində yazılmış məktublar göndərildi; beləcə, hər ərin öz evinin ağası olması təmin edildi. 2 Yüklə 0,96 Mb. Dostları ilə paylaş:
|