Deuterokanonik kitabları Yoxlama versiyası

Mordokay gördüyü yuxunu xatırlayır
F
4 [1]   Mordokay   belə   dedi:   «Bu,   Rəbdən
oldu.   5 [2]   Bu   hadisələrlə   bağlı   yuxumu
xatırladım. Bütün gördüklərim gerçəkləşdi:
6 [3] balaca bir bulaq çaya çevrildi, işıq,
günəş və çoxlu su var idi. Bu çay Esterdir,
padşah onunla evləndi və onu mələkə etdi.
7 [4] İki əjdaha isə Haman və mən idim.
8 [5]   Millətlər   Yəhudilərin   adını   yer
üzündən silmək istəyənlərdir. 9 [6] Yeganə
millət,   Allaha   dua   edən   və   xilas   olan
mənim   millətim   İsraildir.   Bəli,   Rəbb   Öz
xalqını   xilas   etdi,   Rəbb   bizi   bütün
pisliklərdən   qurtardı.   Allah   millətlər
arasında   əsla   görünməyən   əlamətlər   və
böyük möcüzələr etdi. 10 [7] O, iki püşk
qurdu:   biri  Allahın   xalqı   üçün,   o   biri   də
bütün   digər   xalqlar   üçün.   11 [8]   Bu   iki
püşk   Allah   və   bütün   digər   millətlər
qarşısında   saatında,   zamanında   və   hökm
günündə   ortaya   çıxdı.   12 [9]   Beləliklə,
Allah Öz xalqını yada saldı və Öz mirasına
bəraət qazandırdı. 13 [10] Onlar üçün bu
günlər – Adar ayının on dördüncü və on
beşinci   günləri  Allahın   hüzurunda   Onun
milləti İsrailin bütün nəsilləri üçün əbədi
olaraq toplaşma, şadlıq və sevinc günləri
olacaq».
Nəticə
49

---

1 MAKKABİLƏR
KİTABI
GİRİŞ
Makkabilərin Birinci Kitabı Yəhudi tarixində Antiox Epifan dövründən Yəhya Hirkanın
fəaliyyətinə qədər eramızdan əvvəl 175-134 cü illər arası baş verən hadisələrdən bəhs
edir. Kitabın əsas məzmunu Makkabi ailəsinin hekayəti və onların İsraili qurtarmaq üçün
Allah   tərəfindən   seçildiklərinə   əminlik   ideyasıdır.   Bununla   yanaşı,   bu   kitabda   əqidə
mövzusu   güclü   bir   şəkildə   vurğulanır.   Tarixi   hadisələri   idarə   edən  Allah   Ona   iman
edənləri qalib edərək mükafatlandırır.