Deuterokanonik kitabları Yoxlama versiyası

Padşah Antiox Epifanın sonu
1 Bu arada padşah Antiox yuxarı ölkələri
keçırdi. O eşitdi ki, Fars ölkəsində Elimais
adlı   var-dövləti,   qızıl-gümüşü   ilə   məşhur
olan   bir   şəhər   var;   2 orada   da   olduqca
zəngin  bir  məbəd  var  və  onun  içərisində
Yunanlar   üzərində   ilk   olaraq   padşahlıq
etmiş   Makedoniya   padşahı   Filip   oğlu
İsgəndərin qoyub getdiyi qızıl örtüklər, döş
zirehləri   və   silahlar   var.   3 Antiox   gəlib
şəhəri   ələ   keçirərək   qarət   etmək   istədi,
amma   bacarmadı,   çünki   şəhər   sakinləri
onun   məqsədindən   xəbər   tutdular.   4 Ona
müqavimət   göstərib   döyüşdülər   və   o
qaçmağa   üz   qoyub   böyük   dilxorçuluqla
oradan Babilə qayıtmaq üçün yola düşdü.
5 Onda   bir   adam   Fars   ölkəsinə   onun
yanına   bu   xəbərlə   gəldi   ki,   Yəhuda
torpağına yürüş edən qoşunlar qaçmağa üz
qoyublar;   6 Lisiyanın   güclü   bir   qoşunun
başında   yürüş   etməsi,   Yəhudilərin
qarşısından   dönüb   qaçması,   onların   isə
darmadağın etdikləri qoşunlardan aldıqları
silah, qoşun və çoxlu qənimətlərlə daha da
güclənməsi,   7 padşahın   Yerusəlimdəki
qurbangahın üzərində dikəltdiyi iyrənc şeyi
Yəhudilərin   dağıtması,   onların   əvvəlki
kimi   məbədi   hündür   divarlarla   əhatə
62

---

etməsi,   ətraf   şəhər   olan   Bet-Suru   da
möhkəmləndirmələri   ona   bildirildi.
8 Padşah bu sözləri eşidəndə heyrətə düşüb
sarsıldı.   Yatağa   düşüb   kədər   üzündən
zəifliyə   düçar   oldu,   çünki   işlər   onun
istədiyi kimi getməmişdi. 9 Bir xeyli gün
belə   qaldı,   böyük   kədər   hər   dəfə   onda
təkrarlanırdı.   O   düşündü   ki,   artıq   ölür.
10 Bütün   dostlarını   çağırıb   dedi:
«Gözlərimə yuxu getmir və ürəyim təlaşla
dolub. 11 Ürəyimdə dedim: mən necə bir
bəlaya düşdüm, indi içində olduğum böyük
təlatümə uğradım! Mən ki xeyirxah idim
və   hakimiyyətdə   olarkən   sevilirdim.
12 Amma indi Yerusəlimdə etdiyim pisliyi
xatırlayıram;   oradakı   bütün   qızıl-gümüş
qabları   qənimət   apardım,   nahaq   yerə
Yəhuda   sakinlərini   qırmaq   üçün   qoşun
göndərdim. 13 Bilirəm ki, bu səbəbdən bu
bəlaya düçar oldum və budur, böyük kədər
içində qürbət yerdə ölürəm». 14 Sonra o,
öz dostlarından biri olan Filipi çağırıb onu
bütün   padşahlığının   idarəçisi   təyin   etdi.
15 Tacını,   şahlıq   libasını   və   möhür
üzüyünü ona verdi. Oğlu Antioxun tərbiyə
alaraq   padşahlığa   hazırlanmasına   qərar
verdi. 16 Yüz qırx doqquzuncu ildə padşah
Antiox öldü. 17 Lisiya padşahın öldüyünü
biləndə   oğlu   Antioxu   onun   yerinə   taxta
çıxardı;   ona   cavanlığından   bəri   tərbiyə
verirdi. Lisiya ona Evpator adını verdi.