Deuterokanonik kitabları Yoxlama versiyası
Yüklə 0,96 Mb. Pdf görüntüsü
|
| Dimitri padşah olur
1 Yüz əlli birinci ildə Selevk oğlu Dimitri Romadan çıxıb getdi və az adamla bir dənizsahili şəhərə gəlib orada padşah oldu. 2 O, atalarının sarayına daxil olanda qoşun Antioxla Lisiyanı onun yanına gətirmək üçün tutdu. 3 O, bu işi biləndə dedi: «Onların üzünü mənə göstərməyin». 4 Onda qoşun onları öldürdü və Dimitri öz padşahlığında taxta çıxdı. 5 İsrail arasında qanundan dönən və dinsiz bütün adamlar onun yanına gəldilər; baş kahin olmaq istəyən Alkim onların başında idi. 6 Onlar padşahın önündə xalqı ittiham edərək dedilər: «Yəhuda və onun qardaşları sənin bütün dostlarını öldürdülər, bizi də öz torpağımızdan qovdular. 7 İndi inandığın bir adamı göndər; qoy o gedib onların bizə və padşahın ölkəsinə gətirdikləri bütün viranəliyi görsün, onları və onlara kömək edənlərin hamısını cəzalandırsın». 8 Padşah öz dostları arasından Fərat çayının qərb sahilindəki ərazini idarə edən Bakxidi seçdi; o, padşahlıqda böyük adam idi və padşaha sadiq idi. 9 Onu baş kahin təyin etdiyi dinsiz Alkimlə birlikdə göndərdi və İsraillilərdən qisas alınmasını ona əmr etdi 10 Onlar yola düşüb çoxsaylı qoşunla Yəhudeya torpağına gəldilər. Bakxid Yəhuda və onun qardaşlarına xəbər göndərib hiylə ilə sülh təklif etdi. 11 Onlar isə qarşı tərəfin bu sözlərinə əhəmiyyət vermədilər, çünki çoxsaylı bir qoşunla gəldiklərini gördülər. 12 Bununla belə, ilahiyyatçılardan ibarət bir şura Alkimlə Bakxidin qarşısına toplaşdı ki, ədalətli bir razılığa gəlsinlər. 13 İsraillilər arasında qarşı tərəfdən sülh gözləyənlərin birincisi Hasideylər oldu. 14 Çünki düşünürdülər: «Harun nəslindən olan bir kahin qoşunla birlikdə gəlib, o, bizə pislik etməz». 15 Alkim sülhsevər sözlərlə onlara and içib dedi: «Biz nə sizə, nə də dostlarınıza pislik etmək istəyirik». 16 Onlar da ona inandılar, amma Alkim onlardan altmış adamı tutub bir gündə öldürdü. Necə ki Kəlamda yazılmışdır: 17 «Sənin möminlərinin cəsədləri səpələnib, Yerusəlimin ətrafında qanları axıdılıb, Onları dəfn edən bir kəs yoxdur». 18 Bütün xalq onların üzündən qorxu və lərzəyə düşdü, belə ki dedilər: «Onlarda nə düzlük, nə də ədalət var, çünki razılığı və içdikləri andı pozdular». 19 Onda Bakxid Yerusəlimdən çıxıb Bet-Saitdə ordugah qurdu. O, adam göndərib ondan qaçan adamların çoxunu və xalqdan bəzilərini tutub böyük bir quyuda öldürdü. 20 Sonra Alkimi ölkənin idarəçiliyinə təyin etdi və ona kömək olması üçün onunla birgə bir qoşun qoydu. Bakxid padşahın yanına 65 yollandı. 21 Alkim isə baş kahin olmaq üçün mübarizə aparırdı. 22 Onun yanına öz xalqını həyəcana salan bütün adamlar toplaşmışdılar. Onlar Yəhuda torpağını ələ keçirib İsraildə böyük viranəlik yaratmışdılar. 23 Yəhuda Alkimin öz tərəfdarları ilə birgə İsraillilərə bütpərəstlərdən də artıq etdiyi bütün pisliyi gördü. 24 O, bütün Yəhudeya ərazisi boyunca gəzərək düşmən tərəfə keçən adamlardan qisas aldı və onların ölkəyə daxil olmasının qabağı alındı. 25 Alkim isə Yəhuda və onun tərəfdarlarının gücləndiyini görəndə anladı ki, onlara müqavimət göstərməyə qadir deyil. Padşahın yanına qayıdaraq onlara qarşı sərt ittiham irəli sürdü. Yüklə 0,96 Mb. Dostları ilə paylaş:
|