Deuterokanonik kitabları Yoxlama versiyası

Yəhuda Makkabinin ölümü
1 Nikanor   və   onun   qoşununun   döyüşdə
məhv olduğunu eşidən Dimitri Bakxid və
Alkimi   ikinci   dəfə   Yəhuda   torpağına
göndərdi   və   qoşununun   sağ   cinahını   da
onların sərəncamına verdi. 2 Onlar Gilgala
gedən   yolla   getdilər,  Arbeladakı   Mesalot
qarşısında   ordugah   qurdular   və   onu   ələ
keçirıb, orada çoxlu adam qırdılar. 3 Yüz
əlli   ikinci   ilin   birinci   ayında  Yerusəlimin
qarşısında   ordugah   qurdular.   4 Ardından
iyirmi   min   piyada   və   iki   min   süvari   ilə
çıxıb Bereyaya tərəf getdilər. 5 Yəhuda isə
üç   min   seçilmiş   adamla   birlikdə   Elasda
ordugah qurmuşdu. 6 Düşmən qoşununun
nəhəng   və   çoxsaylı   olduğunu   görəndə
onlar   böyük   qorxuya   düşdülər   və   çoxu
ordugahı tərk etdi. Onlardan yalnız səkkiz
yüzdən artıq olmayacaq sayda adam qaldı.
7 Yəhuda   qoşununun   seyrəkləşdiyini
gördü, döyüş onun başının üstünü almışdı;
onda   əhval-ruhiyyəsi   pozuldu,   çünki
adamları   toplamağa   vaxtı   yox   idi.
8 Ruhdan   düşmüş   halda   qalanlara   dedi:
«Qalxıb   düşmənlərimizin   üzərinə   gedək,
bəlkə,   onlarla   döyüşməyə   qadir   olduq».
9 Amma onlar onu fikrindən daşındırmağa
68

---

çalışıb   dedilər:   «Biz   buna   qadir   deyilik,
indi yalnız canımızı qurtara bilərik. Sonra
soydaşlarımızla   birlikdə   qayıdıb   onlarla
döyüşərik,   indi   isə   sayımız   azdır».
10 Yəhuda   isə   dedi:   «Onlardan   qaçmaq
qoy   məndən   uzaq   olsun!   Əgər   vaxtımız
çatıbsa,   soydaşlarımız   uğrunda   igidliklə
ölək,   şərəfimizə   ləkə   gətirməyək».
11 Düşmən   qoşunu   ordugahdan   çıxıb
onlarla üzbəüz durdu; süvarilər iki hissəyə
bölündü,   qoşunun   qabağında   sapandçılar,
oxatanlar   və   bütün   güclü   öndə   gedən
döyüşçülər gedirdi. Bakxid isə sağ cinahda
idi. 12 Hər iki tərəfdən döyüş sıraları bir-
birinə   yaxınlaşdı   və   borular   çalındı.
Yəhuda   tərəfdən   də   borular   çalındı.
13 Qoşunların   səs-küyündən   yer   lərzəyə
gəlirdi.   Səhərdən   axşama   qədər   qızğın
döyüş oldu. 14 Yəhuda Bakxidin və onun
əsas   qoşununun   sağ   tərəfdə   olduğunu
gördü; onda bütün cəsur döyüşçülər onun
ətrafına toplaşdı. 15 Onlar qarşı tərəfin sağ
cinahını   dağıtdılar   və   düşmənləri   Azot
dağına   qədər   təqib   etdilər.   16 Amma   sol
cinahda   olanlar   sağ   cinahın   dağıdıldığını
görəndə   dönüb   Yəhuda   və   onun
adamlarının   dalınca   düşdülər   ki,   arxadan
onlara zərbə vursunlar. 17 Ağır döyüş oldu,
hər iki tərəfdən çoxlu adam vurularaq yerə
sərildi.   18 Yəhuda   da   həlak   oldu   və
qalanlarsa qaçdılar.