Deuterokanonik kitabları Yoxlama versiyası

Yonatanın   sərkərdə   və   vali   təyin
edilməsi
51 Bundan sonra Aleksandr Misir padşahı
Ptolemeyə   qasidlərlə   bu   xəbəri   göndərdi:
52 «Artıq   mən   öz   padşahlığıma
qayıtmışam,
 
atalarımın
 
taxtında
oturmuşam   və   ali   hakimiyyəti   qəbul
etmişəm.   Dimitrini   darmadağın   edib
ölkəmizə   hökmran   olmuşam.   53 Mən
onunla döyüşə girdim, özü də, qoşunu da
bizim tərəfimizdən darmadağın edildi. İndi
biz   onun   padşahlıq   taxtında   oturmuşuq.
54 İndi aramızda bir dostluq yaradaq. Gəl
sən qızını mənə ərə ver, kürəkənin olum və
ona da, sənə də layiq olduğun hədiyyələr
verərəm».   55 Padşah   Ptolemey   də   belə
cavab   verdi:   «Atalarının   torpağına
qayıtdığın   və   onların   padşahlıq   taxtına
oturduğun gün mübarək olsun! 56 Beləcə,
yazdığın   şeyləri   yerinə   yetirərəm.  Amma
sən   bir-birimizlə   görüşmək   üçün
Ptolemaidada   məni   qarşıla.   Mən,   dediyin
kimi, səninlə qohum olaram». 57 Ptolemey
qızı Kleopatra ilə birlikdə Misirdən çıxıb
Ptolemaidaya gəldi; bu, yüz altmış ikinci
ildə   oldu.   58 Padşah   Aleksandr   onu
qarşıladı.   Ptolemey   qızı   Kleopatranı   ona
ərə   verdi.   Ptolemaidada   padşahlara   layiq
böyük təntənə ilə qızına toy etdi. 59 Sonra
Aleksandr Yonatana yazdı ki, gəlib onunla
görüşsün.   60 Yonatan   təntənə   ilə
Ptolemaidaya   yola   düşdü   və   gəlib   iki
padşahla   görüşdü.   Özlərinə   və   dostlarına
qızıl-gümüş   və   çoxlu   hədiyyələr   verdi.
Onların   rəğbətini   qazandı.   61 Bu   arada
İsraildən   satqın   və   qanuna   dönük   çıxan
bəzi   adamlar  Yonatana   qarşı   ittiham   irəli
sürmək   üçün   toplaşdılar,   amma   padşah
onlara diqqət vermədi. 62 Padşah əmr etdi
ki,   Yonatanın   paltarını   əynindən   çıxarıb
73

---

ona al-qırmızı libas geyindirsinlər. Belə də
etdilər. 63 Sonra padşah Yonatanı yanında
oturtdu   və   idarəçilərinə   dedi:   «Onunla
birgə şəhərin ortasına çıxıb bəyan edin ki,
bu adamı heç kəs hər hansı bir işdə ittiham
etməsin   və   onu   hər   hansı   bir   səbəbdən
narahat   etməsin».   64 Yonatanı   ittiham
edənlər onun bəyan edilən izzətini və al-
qırmızı   libasa   büründüyünü   görəndə
hamısı qaçıb dağılışdı. 65 Beləcə, padşah
Yonatanı izzətləndirib onu əsas dostlarının
siyahısına yazdı, onu sərkərdə və vali təyin
etdi. 66 Sonra Yonatan sülh və fərəh içində
Yerusəlimə qayıtdı.