Dibattiti tal-kamra tad-deputati
ONOR. EDWARD ZAMMIT LEWIS
Yüklə 0,86 Mb.
|
- Bu səhifədəki naviqasiya:
- ĊERTIFIKATI DWAR L-ENERĠIJA FIL-BINI W 333. L-ONOR. ĊENSU GALEA
- FERTILIZER PLANS W 334. L-ONOR. ĊENSU GALEA
- PROGRAMM GĦALL-BIEDJA U L-IŻVILUPP RURALI W 335. L-ONOR. ĊENSU GALEA
- APPLIKAZZJONIJIET PENDENTI GĦAL KMAMAR TAN-NAR W 336. L-ONOR. ĊENSU GALEA
- BDIEWA – TALBIET GĦAL AGRITURIŻMU W 338. L-ONOR. ĊENSU GALEA
- TRANSPORT MALTA – POLICY DWAR SPEED CAMERAS W 339. L-ONOR. ĊENSU GALEA
- SAN PAWL IL-BAĦAR – TICKETS MILL-I SPEED CAMERA FIL- BYPASS W 340. L-ONOR. ĊENSU GALEA
- ONOR. JOE MIZZI
- L-IMBORDIN/SAN MARTIN - LINJI FIT-TOROQ W 347. L-ONOR. ĊENSU GALEA
- Tabella b’risposta għall-mistoqsija parlamentari W258
ONOR. EDWARD ZAMMIT LEWIS: Ninforma lill-Onor. Interpellant li kuntrarju għall-amministrazzjoni preċedenti fejn il-Gvern baqa’ ma wettaq xejn fir-rigward ta’ Selmun Palace Hotel, dan il-Gvern midd idejh u fix-xhur li ġejjin se jkun qed iħabbar soluzzjoni sabiex jinħareġ proċess kompetittiv. Il-pjan huwa li din il-lukanda terġa’ tiġi operata u takkwista rilevanza fis-settur turistiku Malti. ĊERTIFIKATI DWAR L-ENERĠIJA FIL-BINI W333. L-ONOR. ĊENSU GALEA staqsa lill-Ministru għat-Trasport u l-Infrastruttura: Jista' l-Ministru jagħti tagħrif dwar kemm hawn persuni awtorizzati li joħorġu ċertifikati dwar l-enerġija fil-bini? Meta hu mistenni li jiġu organizzati korsijiet ġodda għall-persuni li jixtiequ jkunu akkreditati biex jagħmlu dan ix-xogħol? ONOR. JOE MIZZI: Ninforma lill-Onor. Interpellant li bħalissa hawn reġistrati lokalment: · 165 assessur li jista’ jiċċertifika bini residenzjali · 28 assessur sabiex jiċċertifika kull bini ieħor · 11-il Air-Conditioning Systems Inspector · 11-il Heating Systems Inspector. Kif kienet u għadha l-prassi, qed tinġabar lista ta’ min hu interessat li jsegwi tali kors u ladarba jkun hemm numru suffiċjenti biex jagħmluh finanzjarjament vijabbli għall-parteċipanti, dan ikun organizzat. FERTILIZER PLANS W334. L-ONOR. ĊENSU GALEA staqsa lill-Ministru għall-Iżvilupp Sostenibbli, Ambjent u Tibdil fil-Klima: Jista’ l-Ministru jagħti tagħrif dwar jekk il-fertilizer plans f’Malta u f’Għawdex humiex kollha kompluti? X’diffikultajiet hemm biex dawn jitlestew? ONOR. LEO BRINCAT: Ngħarraf lill-Onor. Interpellant li skont l-informazzjoni li għaddewli mill-Uffiċċju tas-Segretarjat Parlamentari dan, huwa proċess ongoing skont kif stipulat fl-Avviż Legali 321 tal-2011. PROGRAMM GĦALL-BIEDJA U L-IŻVILUPP RURALI W335. L-ONOR. ĊENSU GALEA staqsa lid-Deputat Prim Ministru u Ministru għall-Affarijiet Ewropej u t-Twettiq tal-Manifest Elettorali: Jista’ d-Deputat Prim Ministru jagħti tagħrif dwar fiex wasal il-proċess li permezz tiegħu għandu jiġi ffinalizzat il-programm għall-iżvilupp rurali għas-snin li ġejjin? Xi żviluppi kien hemm minn mindu twieġbet il-mistoqsija parlamentari 7032? ONOR. LOUIS GRECH: Ninforma lill-Onor. Interpellant li wara konsultazzjoni pubblika, il-Programm għall-Biedja u l-Iżvilupp Rurali ġie sottomess lill-Kummissjoni Ewropea fl-1 ta’ Lulju 2014. Il-Ministeru qed jistenna r-reazzjoni tal-Kummissjoni għall-abbozz mibgħut. APPLIKAZZJONIJIET PENDENTI GĦAL KMAMAR TAN-NAR W336. L-ONOR. ĊENSU GALEA staqsa lill-Prim Ministru: Jista’ l-Prim Ministru jagħti tagħrif dwar jekk kienx hemm żviluppi għal dak li jirrigwarda l-ħruġ ta’ permessi għal kmamar tan-nar minn meta twieġbet il-mistoqsija parlamentari 7014? Jekk kien hemm, x’kienu dawn l-iżviluppi li seħħew? Kemm hemm? Fejn qegħdin l-applikazzjonijiet li hemm pendenti bħalissa quddiem l-Awtorità ta’ Malta dwar l-Ambjent u l-Ippjanar? ONOR. JOSEPH MUSCAT: B'referenza għall-mistoqsija parlamentari W336, waqt it-Tqegħid ta’ Karti, poġġejt fuq il-Mejda tal-Kamra żewġ tabelli. L-ewwel tabella telenka l-applikazzjonijiet msemmija fil-mistoqsija parlamentari 7014 u l-istat preżenti tagħhom peress li l-ebda waħda minnhom għadha ma ġiet deċiża. It-tabella l-oħra telenka kull applikazzjoni pendenti quddiem l-Awtorità ta' Malta dwar l-Ambjent u l-Ippjanar relatati ma' kmamar tan-nar (inklużi dawk ġà elenkati f'mistoqsija parlamentari 7014) bid-dettalji mitluba mill-Onor. Interpellant. BDIEWA – TALBIET GĦAL AGRITURIŻMU W338. L-ONOR. ĊENSU GALEA staqsa lill-Ministru għall-Iżvilupp Sostenibbli, Ambjent u Tibdil fil-Klima: B'referenza għall-mistoqsija parlamentari 6130, jista' l-Ministru jagħti tagħrif dwar jekk kienx hemm persuni minn dawk li għandom 60 tomna raba’ jew iktar, li talbu lill-Ministeru biex ikunu jistgħu jorganizzaw xi forma ta' agrituriżmu? Jekk iva, f'liema lokalitajiet jinsabu dawk li talbu li jseħħ dan l-iżvilupp? X'kienet il-pożizzjoni li ħa l-Ministeru dwar tali talbiet, jekk kien hemm? ONOR. LEO BRINCAT: Niġbed l-attenzjoni tal-Onor. Interpellant li r-Rural Policy and Design Guidance daħal fis-seħħ fit-22 t’Awwissu 2014. Għaldaqstant, l-Onor. Interpellant japprezza li għadu kmieni wisq biex jingħataw aktar dettalji. TRANSPORT MALTA – POLICY DWAR SPEED CAMERAS W339. L-ONOR. ĊENSU GALEA staqsa lill-Ministru għat-Trasport u l-Infrastruttura: Billi diversi drabi ntqal li Transport Malta qed tfassal policy dwar speed cameras madwar Malta, jista’ l-Ministru jagħti tagħrif dwar jekk din il-policy tfasslitx? Jekk iva, jista’ l-Ministru jippubblika din l-istess policy? Jekk mhux lesta, jista’ jagħti tagħrif fuq liema bażi ġew stallati l-cameras fil-bypass ta’ San Pawl il-Baħar? ONOR. JOE MIZZI: Jien infurmat li l-Awtorità tat-Trasport ħejjiet Speed Management Policy li tinkludi l-metodoloġija ta' kif jiġu eżaminati talbiet għall-istallazzjoni ta' speed cameras kif ukoll il-Posted Speed Limit tat-toroq arterjali u dawk distributorji. Il-polza tinsab fuq il-website uffiċjali tal-Awtorità tat-Trasport. (Informazzjoni addizzjonali: Ara dokument Nru 3345 li tpoġġa fis-Seduta 186 ta' nhar it-Tlieta, 14 ta' Ottubru 2014) SAN PAWL IL-BAĦAR – TICKETS MILL-ISPEED CAMERA FIL-BYPASS W340. L-ONOR. ĊENSU GALEA staqsa lill-Ministru għat-Trasport u l-Infrastruttura: Jista’ l-Ministru jagħti tagħrif dwar kemm inħarġu tickets mill-cameras tal-bypass ta’ San Pawl il-Baħar minn mindu ġew stallati sal-mument tar-risposta tal-mistoqsija parlamentari? ONOR. JOE MIZZI: Jien infurmat li din l-informazzjoni għandha tintalab lill-Kumitat Reġjonali tat-Tramuntana. PITKALIJA – ĦASIL TA’ KAXXI W346. L-ONOR. ĊENSU GALEA staqsa lill-Ministru għall-Iżvilupp Sostenibbli, Ambjent u Tibdil fil-Klima: Jista’ l-Ministru jagħti tagħrif dwar x’qed iwassal biex il-ħaddiema li bħalissa huma responsabbli mill-ħasil tal-kaxxi fil-Pitkalija jitneħħew minn hemm u minflokhom jiġu ingaġġati persuni oħra, jekk dan hu l-każ? Jista’ jagħti tagħrif dwar kemm hu n-numru ta’ ħaddiema li bħalissa qed jagħmlu dan ix-xogħol u kemm hu mistenni li jkun fil-futur? X’tip ta’ arranġamenti ta’ xogħol hu mistenni li jkollhom dawk li jridu jkunu qed iwettqu dan ix-xogħol fil-futur? ONOR. LEO BRINCAT: Ngħarraf lill-Onor. Interpellant illi skont l-informazzjoni li għaddewli mill-Uffiċċju tas-Segretarjat Parlamentari mhu minnu xejn li tneħħew xi ħaddiema li jaħslu l-kaxxi tal-Pitkalija u minflokhom ġew ingaġġati nies oħra. Li sar huwa li bħala parti mill-isforzi biex intejbu l-affarijiet, f’dawn l-aħħar ġimgħat daħħalna reġim iktar serju ta’ kif u meta jinħaslu l-kaxxi billi ma nħallux kaxxi jidħlu u jerġgħu joħorġu mill-Pitkalija mingħajr ma jkunu għaddew mill-proċess ta’ kontroll ta’ ndafa u allura ħasil kif jixraq. Dan qed ngħidu għax kien hemm min kien jidħol bil-kaxxi mimlija u minflok jirritornahom għall-ħasil, jgħabbihom bi prodotti, jew addirittura jżommhom għandu vojta, mingħajr ma jgħaddu għall-ħasla. Dan kien jikkawża nuqqas fil-kaxxi disponibbli għall-Pitkalija u nuqqas ukoll ta’ iġene. B’riżultat tal-miżura li ħadna però, żdied b’mod konsiderevoli l-ammont ta’ kaxxi li qed ikun hemm bżonn li jinħaslu. Għalhekk bħala miżura ta’ urġenza u sakemm nagħmlu arranġamenti fit-tul, qabbadna kuntrattur sabiex żiedna l-ammont ta’ ħassiela b’ħamsa oħra, ’il fuq mill-għaxra li diġà kien hemm, biex b’hekk it-total disponibbli llum huwa ta’ ħmistax u foreman fuqhom. Ovvjament dan ma jfissirx li dawn kollha jkunu hemm kuljum u dan għal raġunijiet ta’ vacation leave u ta’ sick leave. Nispera li l-Onor. Interpellant jaqbel magħna li dak li għamilna hija xi ħaġa li hija tajba u ta’ ġid kemm għall-bidwi kif ukoll għall-konsumatur. Sadanittant irrid ngħid li dawn il-ħassiela huma ħaddiema tal-kuntrattur u wara assessment finanzjarju, kien konkluż li jkun ferm irħas jekk il-Gvern jimpjega hu numru ta’ ħaddiema. Bħalissa għaddej proċess ta’ reklutaġġ tramite l-proċeduri tal-ETC li hija solita f’tali każi. Id-deċiżjoni s’issa hija li jiddaħħlu 10 impjegati iżda jista' jagħti l-każ li dawn jiżdiedu jekk jinħass il-bżonn. Ovvjament kull persuna li tkun tikkwalifika skont il-proċeduri tal-ETC, inkluż jekk ikunu eliġibbli dawk li jaħdmu mal-kuntrattur, tkun trid tgħaddi minn proċess ta’ għażla skont ir-regolamenti applikabbli. L-IMBORDIN/SAN MARTIN - LINJI FIT-TOROQ W347. L-ONOR. ĊENSU GALEA staqsa lill-Ministru għat-Trasport u l-Infrastruttura: Jista’ l-Ministru jieħu l-passi neċessarji biex Transport Malta tinvestiga l-possibilità li fit-triq li tgħaddi minn San Martin, limiti ta’ San Pawl il-Baħar, u twassal saż-Żebbiegħ, limiti tal-Imġarr, jinżebgħu linji biex iservu ta’ indikazzjoni għal dawk li jgħaddu minn dawn l-inħawi, u dan peress li qed ikun hemm numru sostanzjali ta’ inċidenti? ONOR. JOE MIZZI: Jien infurmat li minn spezzjoni li saret fuq il-post minn uffiċjali tal-Awtorità tat-Trasport, irriżulta li f’din it-triq imsemmija hemm installati t-tabelli tat-traffiku meħtieġa u anki crash barriers. Fir-rigward ta’ sinjali tat-traffiku hemm edge line f’parti maġenb culvert iżda minħabba li t-triq hija dejqa m’hemmx lok li jiġi mmarkat is-centre line. Tabella b’risposta għall-mistoqsija parlamentari W258
Legend: ACM - Awaiting Application Compilation by Architect ZZZ - Awaiting Further Information from Architect for over 6 months DEP - Drafting of DPA Report PAS - Pending Assessment Yüklə 0,86 Mb. Dostları ilə paylaş:
|