362) Kombinəedilmiş qapaqda plastmasın fiksasiyasını təmin edən nədir?
A) Qapağın vestibulyar qapalı hissəsi
B) Çeynəyici səth
C) Dişəti cibi
D) Mişarabənzər hisssə
E) Kəsici səth
Kombinəedilmiş qapaqda plastmasın fiksasiyasını təmin edən mişarabənzər kəsiklərdir ki, bunlar vestibulyar səthdə açılır. Bu M.Y.Belkin üsulu ilə kombinəedilmiş qapağın hazırlanmasıdır.
Ədəbiyyat: В.С.Погодин, В.А.Пономарева. Руководство для зубных техников. «Медицина», Ленинград, 1983, səh 75
363) Hazırlanma üsuluna görə körpüyəbənzər protezlərin növləri hansıdır?
A) Lehimli, tam tökmə, kombinəedilmiş
B) Birdayaqlı, ikidayaqlı
C) Lehimli, metal-plastmas, metal-keramik
D) Tam tökmə, yəhərvari, taxmalı
E) Taxmalı, ştiftli, güdüllü
Hazırlanma üsuluna görə körpüyəbənzər protezlər lehimli, tam tökmə və kombinəedilmiş ola bilər. I halda körpüyəbənzər protezin dayaq elementləri və aralıq hissəsi ayrı-ayrılıqda hazırlanır. Sonradan bir-birinə lehimlənir. Tam tökmə körpüyəbənzər protezlərdə isə dayaq elementləri və aralıq hissə bir yerdə əridilmiş metal xəlitədən tökülür. Həmçinin təkcə metaldan hazırlanmış və metal ilə plastmas yaxud çininin kombinasiyasından hazırlanmış körpüyəbənzər protezlər olur.
Ədəbiyyat: Z.İ.Qarayev “Ortopedik Stomatologiya”. Bakı, 2008, səh 122
364) Adgeziv körpüyəbənzər protezlərin dayaq dişlərə fiksəedici hissələri hansılardır?
A) Ştiftli dişlər, qövslər
B) Taxmalar, qarmaqlar, güdüllər
C) Ştiftlər, qövslər, güdüllər
D) Güdüllər, taxmalar
E) Klammerlər, okklüziya pəncələri
Adgeziv körpüyəbənzər protezlərə fiksasiya hissələri-klammerlər, okklüziya pəncələri və s. Adgeziv körpüyəbənzər protezlərin üstünlüyü ondadır ki, digər konstruksiyalardan fərqli olaraq onlar hazırlananda, ən travmatik əməliyyat olan dayaq dişinin sərt toxumaları yonulmur. Bu protezlər estetik baxımdan əlverişlidir, çünki protezin fiksəedici elementləri dişlərin oral səthində yerləşdiyindən kənarda görünmür.
Ədəbiyyat: Z.İ.Qarayev “Ortopedik Stomatologiya”. Bakı, 2008, səh 137
Dostları ilə paylaş: |
