Diş texniki ixtisası üzrə nümunəvi test sualları

176) Dişin ağız dəhlizinə baxan səthi necə adlanır?
A) Oral səth

B) Distal səth

C) Aproksimal səth

D) Vestibulyar səth

E) Çeynəmə səth
Hər dişin 5 səthi var.

1. Oral səth- ağız dəhlizinə baxan. Alt çənə üçün dil səthi, üst çənə üçün isə damaq səthi də adlanır.

2.Vestibulyar səth-ön dişlər üçün dodaq, yan dişlər üçün yanaq səthidir.

3. Kəsici səth- ön dişlər üçün , çeynəyici səth –azı dişlər üçün.

4 və 5. Aproksimal səthlər- medial (mərkəzə doğru baxan səth) və distal (arxaya doğru baxan səth)
Ədəbiyyat: В.Н.Копейкин, Л.М.Демнер. Зубопротезная техника. «Медицина», Москва, 1985, səh 19
177) Qapaq hazırlayarkən dişlərin qapanmasına nə mane olmur?
A) Çeynəmə səthinin düzgün modelləşdirilməməsi

B) Ekvator xəttinin qabarıq olması

C) Dəqiq preslənməməsi

D) Gilizin düzgün seçilməməsi

E) Gilizin düzgün çəkilməməsi
Qapaq hazırlayarkən buraxılan bəzi səhvlər dişlərin qapanmasına mane ola bilər. Bu səhvlər gələcəkdə xəstəyə daha böyük problem törədir. Belə səhvlərə aşağıdakılar aiddir. Çeynəmə səthinin düzgün modelləşdirilməməsi, gilizin düzgün çəkilməməsi, dəqiq preslənməməsi və düzgün seçilməməsi aiddir. Yalnız ekvator xəttinin qabarıq olması qapanmaya heç bir əks təsir göstərmir.
Ədəbiyyat: В.С.Погодин, В.А.Пономарева. Руководство для зубных техников. «Медицина», Ленинград, 1983, səh 61-63
178) Aralıq hissənin hansı formasıdır gigiyenik olub, yalnız çeynəmə dişlərinə tətbiq edilir?
A) Toxunan və yuyulan

B) Yəhərəbənzər

C) Yəhərəbənzər və yuyulan

D) Toxunan

E) Yuyulan
Körpüvari protezlərin aralıq hissəsinin 3 forması var.

1. 
   Toxunan
   
2. 
   Yuyulan (asma)
   
3. 
   Yəhərvari
   

Yuyulan və ya asma forma gigiyenikdir, damağın dərin atrofiyası zamanı hazırlanır və yalnız azı (çeynəmə) dişlərdə tətbiq edilir.
Ədəbiyyat: В.С.Погодин, В.А.Пономарева. Руководство для зубных техников. «Медицина», Ленинград, 1983, səh 89