Diş texniki ixtisası üzrə nümunəvi test sualları

911) Obturasiyaedici protezin göbələkvari çıxıntısı bazislə necə birləşir?
A) Relsvari elementlə (şarnir)

B) Yapışqanla

C) Lehimləmə yolu ilə

D) Polimerləşmə yolu ilə

E) Özübərkiyən plastmasla
Yan lövhələrdə əng sümüyü boşluğu damaq qüsurunun dayağına bitişik olarsa, obturasiyaedici protezin göbələkvari çıxıntısı relsvari şarnirin köməyilə bazisə birləşdirilir.
Ədəbiyyat: Н.Г.Аболмасов. Н.Н. Аболмасов. «Ортопедическая Стоматология». Москва. Медпресс- информ.200, səh 467
912) Stomatoloji praktikada hansı ucluqlardan istifadə olunur?
A) Silindrik və düz

B) Künclü və iti bucaq

C) Konusvari və diyircəkli

D) Düz və künclü

E) Düzbucaq və iti bucaq
Stomatoloji kabinetlərdə istifadə olunan ucluqlar düz və künclü olur.
Ədəbiyyat: R.M.Məmmədov, R.K.Qasımov və başqaları. “Terapevtik Stomatologiyanın propedevtikası”. Bakı-2011, səh 19
913) Stomatologiyada tətbiq edilən burğaclar hansılardır?
A) Polad, volfram-karbidli polad, KXƏ

B) Polad, volfram-karbidli polad, almaz

C) Almaz,karborund

D) Polad, almaz

E) Volfram-karbidli polad, almaz
Burğaclar hazırlandığı materialına görə, əsasən üç qrupa ayrılır;

1. 
   Polad
   
2. 
   Xüsusu (volfram-karbidli)
   
3. 
   Almaz
   

Ədəbiyyat: R.M.Məmmədov, R.K.Qasımov və başqaları. “Terapevtik Stomatologiyanın propedevtikası”. Bakı-2011, səh 20

914) Ştift hazırlanması, klammer əyilməsi, ortodontik aparat düzəldilməsi üçün hansı kəlbətindən istifadə olunur?
A) Krampon kəlbətini

B) Adi kəlbətin

C) Künclü kəlbətin

D) Yarımoval dişli kəlbətin

E) Dimdikvari kəlbətin
Ştift, ortodontik aparat hazırlanması, klammer əyilməsi məqsədilə xüsusi krampon kəlbətini tətbiq edilir.
Ədəbiyyat: М.В.Мухин, Д.Е.Тамфильев « Руководство для медицинских сестер работающих в стоматологических лечебных учреждениях» , səh 58
915) Yuxarı dodağın anadangəlmə yarığının əməliyyatından sonra tənəffüs yollarının iltihabının profilaktikası məqsədilə hansı tədbir həyata keçirilir?
A) Qan köçürülür

B) Çənə hərəkətləri

C) Tam sakitlikyaradılır

D) Tənəffüs gimnastikası

E) Tənəffüs aparatı geyindirilir
Yuxarı dodağın anadangəlmə yarığı əməliyyat edildikdən sonra tənəffüs yollarının iltihabı xəstəliklərinin profilaktikası məqsədilə tənəffüs gimnastikası təyin edilir.
Ədəbiyyat: М.В.Мухин, Д.Е.Тамфильев « Руководство для медицинских сестер работающих в стоматологических лечебных учреждениях» , səh 95