İdman kompleksləri, stadion və federasiya adları. Demək olar ki, respublikamızın bütün bölgələrində olimpiya kompleksləri var. Cəlilabad Olimpiya Kompleksi, Bərdə Olimpiya Kompleksi, Şamaxı Olimpiya kompleksi və s. H.Əliyev adına İdman Kompleksi, Bərdə şəhər Üzgüçülük Kompleksi kimi komplekslər də bu ad altında birləşir. Tofiq Bəhrəmov adına Respublika stadionu, Tovuz şəhər stadionu, Qazax şəhər stadionu və s. Azərbaycan Alpinizm federasiyası, Azərbaycan, Aşihara Kaykan Karate federasiyası, Azərbaycan Atletika federasiyası, Azərbaycan Aykido federasiyası, Azərbaycan Basketbol federasiyası, Azərbaycan Avtomobil İdmanı federasiyası və s. bu adlara nəzər yetirdikdə onu müşahidə edirik ki, olimpiya kompleksləri və stadion adları əsasən yerləşdiyi yerin adından və “stadion” və “kompleks” sözlərindən ibarətdir. Federasiya adlarına gəlincə bu erqonimlər idmanın növünü özündə əks etdirir. Bu adlar bir qayda olaraq “Azərbaycan + idmanın növü + federasiya” modelində əmələ gəlmişlər.
