Doktor ZƏHİRƏDDİN əl-MƏDƏNİ

VİLAYƏT VƏ VİSAYƏT
Beşincisi. Yuxarıda qeyd etdik ki, yəhudilər Islamda özlərinin sadiq oğlu Abdulla ibn Səba vasitəsilə yeni bir məzhəb yaratmaq, Islam adından, Islamla heç bir əlaqəsi olmayan yeni dini təlim quraşdırmaq üçün yeni inanclar yayırdılar. Yəhudilərin qanunlar qanununa çevirdikləri bu inancların əsasları vilayət (müqəddəslik, Allaha yaxınlıq — tərc.) və visayət (vəliəhdlik — tərc.) əqidələridir. Artıq biz şiələrin bu əqidəni car çəkən birinci adamın, özlərinin onunla və yəhudilərlə əlaqələrini inkar etsələr də, bu hiyləgər yəhudi Ibn Sövda olması haqqında mətnlərini misal gətirmişik. Onlar öz əqidələrini yalnız və yalnız onun sözləri və rəyləri üzərində bina edirlər. Elə şiələrin, yəhudilərin onlara öyrətdiyi və onlar üçün qərar verdikləri kimi, öz dinləri üçün əsas götürdükləri vilayət məsələsinə fikir verin. Onların kitabı imama göstərilmiş və onların bu məşhur mövhum imamı tərəfindən təsdiqlənmiş böyük mühəddisləri Məhəmməd ibn Yəqub Küleyni yazır: "Fəzilin dediyinə görə, Əbu Cəfər əleyhissəlam demişdir: "Islam beş şey üzərində bina olmuşdur: namaz, zəkat, oruc, həcc və vilayət. Vida həcci günü vilayətlə çağırıla bilən şey başqa bir şeylə çağırıla bilmədi".¹¹¹

Fikir verin, bu tayfa müsəlmanlardan necə fərqlənir. Axı müsəlmanlar deyirlər: "Islam beş şey üzərində bina olmuşdur: birincisi Allahdan başqa ilahinin olmamasına, Məhəmmədin onun qulu və elçisi olmasına şəhadət verməkdir". Lakin onlar tövhid şəhadətini və Peyğəmbərin risalətini heç bir şey hesab etmir, vilayəti və visayəti namazdan, zəkatdan, orucdan, həccdən üstün tuturlar ki, camaatı cızılmış plan üzrə yeni dinə cəlb etsinlər.

Şiələr məsələni bundan da aydın şəkildə izah edib deyirlər: "Zürarənin dediyinə görə, Əbu Cəfər əleyhissəlam demişdir: "Islam beş şey üzərində bina olmuşdur: namaz, zəkat, həcc, oruc və vilayət". Guya Zürarə soruşmuşdur: "Bunlardan hansı daha üstündür?" O demişdir: "Vilayət".¹¹²

Onlar daha sonra orucu və həcci da atmış və demişlər: "Sadiq (Cəfər) əleyhissəlam demişdir: "Islamın dayağı üçdür: namaz, zəkat, vilayət. Onlardan heç biri o birilər olmadan doğru olmaz".¹¹³

Daha sonra hər şeyi atıb təkcə vilayəti saxlamaq yoluna düşürlər. Bu məqsədlə Əbu Abdulladan rəvayət edirlər ki, o belə deyib: "Bizim vilayətimiz Allah vilayətidir. Bu elə bir şeydir ki, onsuz heç bir peyğəmbər göndərilməmişdir".¹¹⁴

Onlar bununla da kifayətlənməyib habelə Həbbə Övfinin dilindən deyirlər ki, Əmirəlmöminin (Əli) demişdir: "Allah mənim vilayətimi göy və yerin əhlinə ərz etmişdir. Bunu qəbul edənlər qəbul etmiş, inkar edənlər inkar etmişlər. Yunis əleyhissəlam onu inkar etmiş, Allah da onu mənim vilayətimi qəbul edənəcən balığın qarnında həbs etmişdir".¹¹⁵

Guya Əbülhəsən əleyhissəlam demişdir: "Əlinin vilayəti haqqında peyğəmbərlərin bütün sühüflərində yazılmışdır və Allah Məhəmməd səlləllahü əleyhi və alihinin nübüvvəti və Əli əleyhissəlamın vəsiyyəti (iradəsi — tərc.) olmadan heç bir peyğəmbər göndərməz".¹¹⁶

Həmçinin Məhəmməd ibn Müslim demişdir ki, mən Əbu Cəfərin belə dediyini eşitmişəm: "Allah peyğəmbərlərlə Əlinin vilayətini tanımaq haqqında əhd-peyman bağlamış və Əlinin vilayətini tanımağı onların boynuna qoymuşdur".¹¹⁷

Qümmi Allah-təalanın "O zaman ki Allah peyğəmbərlərlə əhd-peyman bağladı" kəlamının altında Əbu Abdullanın belə dediyini rəvayət edir: "Allah Adəm övladından olan peyğəmbərləri ona görə göndərir ki, onlar dünyaya qayıdıb Əmirəlmömininə (Əliyə) arxa olsunlar. Bu Onun belə bir kəlamından bilinir: “...ona — yəni Rəsulullaha — inansınlar, ona — yəni Əmirəlmömininə — kömək etsinlər deyə...”.¹¹⁸

Bir yəhudilərə baxın ki, müsəlmanların əqidələrini şil-küt etmək üçün gözə görünmədən onların arasına yol necə tapmış, su kimi sızıb özlərinə yer etmişlər.

Nəhayət, Növbəxti və Kəşşinin dediklərinə qayıdaq. Növbəxti deyir: "O (yəni Abdulla ibn Səba), Əli əleyhissəlamın imamətinin fərz olmasını açıq deyən birinci adamdır".¹¹⁹

Kəşşi isə deyir: "O (ibn Səba), Əlinin imamətinin fərz olmasını deməsi ilə tanınmış birinci adamdır".¹²⁰