V hissə
Bərabər iştirak: Azərbaycan dövlət qulluğu sistemində qadın və kişi kadrların iştirakı və mövqeləri.
Dövlət Statistika Komitəsinin məlumatlarına əsasən24 2009-cu ildə25 Azərbaycan Respublikasının dövlət qulluğunda inzibati vəzifələrdə 4999 qadın və 22283 kişi, yardımçı vəzifələrdə isə 2983 qadın və 2096 kişi çalışırdı. Beləliklə dövlət qulluğunda çalışanlar arasında kişilər (75.4%, 24379 nəfər) qadınlara (24.6%, 7982 nəfər) nisbətdə mütləq əksəriyyət təşkil etmişdir. 2007-ci ilin26 statistik göstərişləri ilə müqayisə göstərir ki ölkədə dövlət qulluqçularının ümumi sayı və dövlət qulluğunda çalışan qadınların sayı artsa da dövlət qulluğunda mövcud olan gender tarazsızlığı (disbalansı) da artmışdır. Belə ki 2007-ci ildə dövlət qulluğunda çalışan 27300 nəfər işçi arasında qadınlar 27.9%, kişilər isə 72.1% təşkil etmişdir27. Bu o deməkdir ki dövlət qulluğu sisteminə daxil olan kişilərin sayı daha yüksək templə artır. Perspektivdə bu dinamikanın davam etməsi dövlət qulluğu sistemində qadınların sayının kəskin azalmasına gətirib çixara bilər.
Dostları ilə paylaş: |
