Dövlət qulluğunda gender bərabərliyi

Tövsiyyələr

Dövlət Qulluğu Məsələləri üzrə Komissiyanın dövlət qulluğuna qəbul prosesini tənzimləyən qayda və prosedurların gender təhlili göstərdi ki qəbul prosesində heç bir gender əsaslı ayrı-seçkilik əlamətləri yoxdur. Bu müsbət bir hal olsa da dövlət qulluğunda əsl bərabər iştirakın və bərabər imkanların təmin edilməsi üçün kifayət deyil. Lakin, bu sahədə radikal xüsusi tədbirlərin qəbul edilməsi məqsədəuyğun deyil. Hazırkı araşdırmanın çərçivəsində keçirilmiş müsahibələrin təhlili göstərir ki seçməyə daxil olan kişi və qadın respondentləri kvotalar və hər hansı bir cinsin nümayəndələri üçün eksklyuziv üstünlük təımin edən tədbirlərə müsbət baxmır. Kvotalara mənfi münasibət BMT tərəfindən aparılmış ölkə miqyaslı tədqiqatlarda da təsdiq olunmuşdur. Bu səbəbdən hal hazırda qəbul prosesində hər hansı bir radikal xüsusi tədbirin tətbiq edilməsi qadın namizədlərin gələcək kollektivdə izolyasiyasına və onlarin arasında özünə quvənmənin zəifləməsinə gətirib çıxara bilər.

Bunu nəzərə alaraq qadınların dövlət qulluğuna daxil olmasına dəstəklənməsi yumuşaq xüsusi tədbirlərin vasitəsi ilə həyata keçirilməlidir. Azərbaycan dövlətinin gender siyasətinin məqsədlərinə və xüsusi ilə “2008‐2015‐ci illərdə Azərbaycan Respublikasında yoxsulluğun azaldılması və davamlı inkişaf Dövlət Proqramının” (YADİDP) gender bərabərliyinin dəstəklənməsi sahəsində təyin etdiyi hədəflərə uyğun olaraq qadınların idarəetmə prosesində daha fəal iştirakını təmin etmək məqsədi ilə:

• 
  Dövlət Qulluğu Məsələləri üzrə Komissiya tərəfindən Dövlət qulluğunda gender bərabərliyin gücləndirilməsinə dair xüsusi tədbirlər planı hazirlanıb qəbul olunmalıdır.
  
• 
  Plana əsasən hədəf qrupu qadınlar və qızlar olan maarifləndirmə və məlumtlandırma kampaniyalarının illik strateqiyaları hazırlanmalıdır.
  
• 
  Strateqiyaya əsasən dövlət qulluğuna qadın və qızların cəlb olunması məqsədi ilə məlumatlandırma və maarifləndirmə kampaniyaları təşkil olunmalıdır (kampaniyaların hədəf qrupları xüsusi ilə 20-29 yaş qrupuna aid olan qadın və qızları nəzərdə tutmalıdır). Kampaniyalar media vasitələri ilə bərabər ilk növbədə ali təhsil ocaqlarını əhatə etməlidir.
  
• 
  “Dövlət qulluğunda qadınlar” mövzusunda video çarxlar hazırlanmalı və hər müsabiqə ərəfəsində İctimai TV tərəfindən efirə verilməlidir.
  
• 
  Plana əsasən hər müsabiqə ərəfəsində Komissiyanın İnternet səhifəsində qadınlar və qızlar üçün xüsusi məlumat blokları hazırlanmalıdır və sosial şəbəkələrdə Komissiyanın səhifəsi vasitəsi ilə yayilmalıdır.
  
• 
  Dəvlət qulluğuna maraq göstərən qadınlar və qəzlar üçün qısa təlimatlar keçirilməlidir.
  
• 
  Qəbul prosesində müsahibə komissiyalarının tərkibində imkan daxilində gender tarazlığı saxlanılmalıdır və bu qayda müvafiq normativ sənədlərə daxil edilməlidir.
  

Media vasitələrində dövlət qulluğu sistemi kişi və qadınların bərabər şəraitdə fəaliyyət göstərdiyi bir sahə olaraq təqdim olunmalıdır və bu məqsədlə

• 
  dövlət qulluğunda çalışan qadın əməkdaşların uğurlu fəaliyyəti haqqında media və İnternet vasitəsi ilə ictimaiyyətə məlumat təqdim olunmalıdır.
  
• 
  dövlət qulluğu sisteminə daxil olan qurumların buklet və broşürlarında yerləşdirilən vizual imiclər genderə həssas şəkildə tərtib olunmalı və dövlət qulluğu sistemində gender bərabərliyi ideyasını təbliğ etməlidir.
  
• 
  Komissiyanın fəaliyyəti haqqında məlumat verən buklet, broşürlər və digər materialların genderə həssas şəkildə hazırlanmalıdır.
  

Ehtiyat kadrlarının formalaşmasında:

• 
  ehtiyat kadrları siyahısından ilk növbətə münasib qadın namizədlərin vakant vəzifəyə təqdim olunması praktikası müvəqqəti xüsusi tədbir olaraq tətbiq olunmalıdır
  
• 
  ehtiyat kadların formalaşmasına dair qaydalara müvafiq dəyişiklik edilməlidir.
  

İllik hesabatların hazırlanmasında:

• 
  Komissiyanın gender yönümlü həssas yanaşma sahəsində gördüyü işlər haqqında məlumat verilməlidir.