Dövlət və bələdiyyə idarəetməsinin müasir problemləri

Demokratik          cəmiyyətdə  ali  dövlət  hakimiyyəti  xalqa  –  həmin  dövlətin 
bütün  vətəndaşlarına  məxsus  olur.  XX  əsr  və  XXI    əsrin 
müasir  dövrü  üçün  demokratik  dövlətin  perspektivli olması 
qəbul  edilmişdir.  Bu  dövrlər  ərzində  demokratik  inkişaf 

---

9 
 
yolunu seçmiş dövlətlərin sayı sürətlə artmışdır. XX əsrin 90 
– cı illərinə kimi sosializm quruluşu hökmran olan dövlətlər, 
o  cümlədən    Azərbaycan  Respublikası  hazırda  demokratik 
inkişaf  yolunu  və  demokratik  dövlətçiliyi  qəbul  etmişlər. 
Demokratik  dövlətlərdə  xalq  hakimiyyəti  qəbul  edilir  və 
qurulur.  Lakin,    bu  proses  hər  bir  ölkədə  özünün  həyata 
keçirilmə məntiqinə malik olur. Hələ 1787 – ci ildə ABŞ – ın 
konstitusiyasında  bu  haqda  yazılmışdır:  “Hər  bir  ali 
hakimiyyət  tipi  öz  dövlət  idarəçiliyinin  təşkili  və  fəaliyyəti 
məntiqinə malikdir”.