Cavabdehlik prinsipi. Əhali yerli əhəmiyyətli məsələləri bilavasitə və yerli özünüidarəetmə orqanları vasitəsi ilə
həll edir. Bu prinsip aşağıdakıların təmin olunmasını nəzərdə tutur.
a) Bələdiyyə qurumlarına verilmiş yerli məsələlərin həyata keçirilməsinin səmərəliyi ;
b) Yerli özünüidarəetmə orqanlarının fəaliyyətində bələdiyyə ərazisində yaşayan
əhalinin maraqlarının nəzərə alınması və qorunması;
c) əhalinin yerli özünüidarəetmə orqanları və vəzifəli şəxsləri ilə sıx əlaqəsi.
Əhalinin həyat fəaliyyətinin bilavasitə təmin olunması ilə bağlı yerli özünüidarəetmə
orqanlarının səlahiyyətlərinə aid edilmiş məsələlərin həlli hər şeydən əvvəlk bu orqanların
işinin nə dərəcədə səmərəli təşkil olunmasından , onların öz fəaliyyətlərində nə qədər
təşəbbüskar və işgüzar olmasından asılıdır. Ona görə də, əgər yerli məsələlərin həlli
tələbatları ödəməzsə bu halda əhalinin iradları yerli özünüidarəetmə orqanlarına və onların
vəzifəli şəxslərinə ünvanlanır. Bu prinsipin reallaşdırılması əhalinin bələdiyyələrin
fəaliyyətinə nəzarətinin müxtəlif fərmalarından istifadə olunmasını nəzərdə tutur. Yerlui
özünüidarəetmə orqanlarının fəaliyyəti əhalinin maraqlarını, onun tarixi və digər ənənələrini
nəzərə almalıdır. əhali yerli özünüidarəetmənin seçkili orqanlarına və seçkili vəzifəli
şəxslərinə öz münasıbətini yerli rəy sorğularından (yerli referendumdan), iradəsini birbaşa
ifadə etmənin digər formalarından (seçkilər, vəzifəli şəxsin geri çağrılması və.s) istifadə
etməklə bildirə bilər.
