Dövlət və bələdiyyə idarəetməsinin müasir problemləri

 Aşkarlıq prinsipi. 
    Aşkarlıq  cəmiyyətin  və  dövlətin  demokratik  idarəetmə  sisteminin  vacib  elementidir. 
Aşkarlığın  köməyi  ilə  idarəetmə  fəaliyyətinin  demokratikliyi,  onun  cəmiyyətinin  nəzarəti 
altında  olması,  həmçinin  vətəndaşların  öz  maraqlarına,  hüquq  və  azadlıqlarına  toxunan 
məsələlər üzrə qərarların işlənib hazırlanmasına təsir göstərmək imkanları təmin edilir. Yerli 
özünüidarəetmə orqanlarının işində aşkarlıq prinsipinin reallaşdırılması onların fəaliyyətinin 
açıq xarakterini və bu haqda əhalinin sistemli şəkildə məlumatlandırılmasını nəzərdə tutur. 
Qanunvericilik bələdiyyələrin öz işləri barədə   vətəndəşları  tam  və  etibarlı  informasiya  ilə 
təmin etməyi bir vəzifə kimi müəyyənləşdirilmişdir. Bu vacib prinsipin həyata kleçirilməsi 
əhalinin yerli özünüidarəetmənin nümayəndəli orqanının iclasları , onların seçkili və digər 
orqanlarının  həll  etdiyi  məsələlər barədəməlumatlandırılmasını  ,  qəbul olunmuş  qərarların 
məzmunu  hakkında  məlumatların  vətəndaşların  nəzərinə  çatdırılmasını  nəzərdə  tutur.  Bu 
prinsipin reallaşdırılması seçicilərlə işin ənənəvi-kütləvi formalarından istifadə olunmasını 
nəzərdə  tutur.  Bu  formalardan  bir  çoxu  öz  əksini  bələdiyyələrin  nizamnamələrində,  yerli 
özünüidarəetmənin  nümayəndəli  orqanlarının  reqlamentlərində,  deputatların,  bələdiyyənin 
seçkili vəzifəli şəxslərinin statusunu müəyyənləşdirən digər normativ hüquqi aktlarda tapır. 
    Aşkarlığın təmin olunmasında kütləvi informasiya vasitələri böyük rol oynayırlar. Onların 
fəaliyyəti  əhalinin  vaxtında  və  obyektiv  informasiya  əldə  etməsinə,  yerli  özünüidarəetmə 
islahatlarının  informasiya  təminatına  və  vətəndaşların  yerli  özünüidarəetmə  islahatlarının 
informasiya təminatına və vətəndaşların yerli özünüidarəetmədə aktiv iştirakina kömək edir. 
Yerli  əhəmiyyətli  ən  vacib  məsələlərin  həlli  ilə  bağlı  layihələr  çap  olunmaqla  əhalinin 
müzakirəsinə verilə bilər.  
    Vətəndaşlar  yerli  işlərin  vəziyyəti  haqqında  informasiya  əldə  etməklə,  bu  məsələlərin 
həllində  iştirak  etdiklərini  hiss  etdikcə  yerli  özünüidarəetmə  orqanlarına  təkliflər,  ərizə  və 
şikayətlərlə müraciət etməyəbaşlayırlar. Yerli özünüidarəetmə orqanları və onların vəzifəli 
şəxslərin vətəndaşların bu fərdi və kollektiv müraciətlərinə vaxtında və mahiyyəti üzrə cavab 
verməyə borcludurlar.