Downloaded from KitabYurdu org
|
| CƏNUB TORPAĞINDA
Ağ Diş San-Fransiskoda gəmidən düşdü. O, heyrətə gəlmişdi. Onun təsəvvüründə Allahın surəti və qüdrəti birləşmişdi. Hələ heç vaxt ağ dərili adamlar ona bu qədər ecazkar görünməmişdilər. Bunu San-Fransiskonun sürüşkən səkiləri ilə addımlayanda hiss etdi. Ətrafda dəri, kətan komalar əvəzinə nəhəng binalar ucalmışdı. Küçələr müxtəlif növ təhlükəylə doluydu: uşaq arabaları, karetlər, maşınlar, faytonlara qoşulmuş böyük atlar... Enli yollarda qorxunc tramvaylar hərəkət edirdilər. Onlar elə bil, bərkdən uğuldayır, cingiltili səslər çıxarırdılar. Bu səslər vaxtilə Ağ Dişin şimal meşələrində rast gəldiyi vəhşi vaşaqların fınxırtısını xatırladırdı. Ətrafdakı hər şey nəhənglərdən xəbər verirdi. Bütün bunların arxasında hökmlü insanın varlığı hiss olunur, şeylər dünyasına hakimlik edən insanın qüdrəti duyulurdu. Bu mənzərə Ağ Dişi heyrətə gətirmiş, mütəəssir etmişdi. O, vahimə içindəydi. Öz məzlumluğunu dərk edən Ağ Diş elə bil təzədən küçüyə dönmüş, şimal cəngəlliyindən Qrey Bi- verin düşərgəsinə təzəcə düşmüşdü. Burda nə qədər downloaded from KitabYurdu.org 255 allah vardı, ilahi! Onları görən Ağ Dişin gözləri alacalandı. Küçənin səs-küyü onun qulaqlarında guruldayırdı. Özünü itirmişdi. İlk dəfə hiss etdi ki, indi sahibindən daha çox asılıdır və Skottun dalınca düşüb onu addımbaaddım izlədi, allahını gözdən qoymadı. Şəhərin xatirəsi uzun müddət Ağ Dişin yuxularında dolaşdı. Elə həmin gün Skott iti zəncirlədi və onu yük vaqonunun küncündəki çamadanların, yeşiklərin arasında bağladı. Burada enlikürək, güclü bir allah da vardı. O, cırıltıyla sandıqları və çamadanları itələyir, vaqona daşıyır, yükləri bir-birinin üstünə yığır, yaxud da qapının arxasında duran o biri allahlara tullayırdı. Və burada, bu cəhənnəm xarabasında Skott Ağ Dişi tərk etdi. Daha doğrusu, Ağ Diş sahibinin yüklərini görüb izləyənə qədər özünü yalqız hiss etdi. Yalnız bundan sonra o, Skottun yüklərinin keşiyini çəkərək arxayınlaşdı. Bir saatdan sonra Uidon Skott vaqonun yanında göründü. Enlikürək Allah donquldandı: - Lap vaxtında gəlmisiniz.. Bu it məni sizin çamadanlara yaxın buraxmayıb... Ağ Diş vaqondan düşdü. Onları araba gözləyirdi. Skotta bir kişiylə qadın yaxınlaşdı. Qadın əl-qolunu açıb sahibi qucaqladı... Bu, deyəsən düşməndi!.. Uidon Skott dərhal ondan aralanıb hiddətdən dəlilik edən, mırıldayan downloaded from KitabYurdu.org 256 Ağ Dişi tutdu. - Qorxma, ana! - Skott dedi və Ağ Dişi sakitləşdirməyə çalışaraq əlavə etdi. - Elə bilir siz mənə, nəsə xətər yetirmək istəyirsiniz. Bunu etməyə isə icazə verilmir! Qorxma, anacan, qorxma! O, tezliklə hər şeyi başa düşəcək. Qorxudan rəngi-rufu ağaran missis Skott güldü. - Demək, belə çıxır ki, mən öz oğlumla itin yanında görüşüb söhbət edə bilməyəcəyəm, hə?.. Qadın Ağ Dişə baxdı. İt mırıldanır, tüklərini qabardır, qadından gözünü çəkmirdi. Skott dedi: - Tezliklə başa düşəcək! Özünüz görəcəksiniz, mütləq... Sonra sahib Ağ Dişlə mülayim-mülayim danışmağa başladı, onu sakitləşdirəndən sonra ciddi tərzdə dilləndi: - Sənə dedim ki, otur! Uzan! Bu sözlər Ağ Dişə tanış idi. Buna görə də əmrə könülsüz tabe oldu. - Hə, anacan! Skott gözlərini Ağ Dişdən çəkməyərək əlini uzatdı. Sonra yenə itə əmr etdi: - Uzan! Ağ Diş tüklərini pırpızlaşdırdı, qalxdı, dərhal yerinə downloaded from KitabYurdu.org 257 oturdu. O, naməlum allahların düşmənçilik hərəkətlərindən gözlərini çəkmədi. Buna baxmayaraq, nə sahibini qucaqlayan qadın, nə də kişi ona heç bir xətər gətirmədilər. Naməlum adamlar və Skott şeyləri arabaya qoydular, özləri də orada oturdular. Ağ Diş də onların dalınca yüyürməyə başladı. Ağ Diş hərdənbir atlara yanaşıb sanki xəbərdarlıq etmək istəyirdi ki, o, atların sürətlə apardığı Allaha xətər toxunmasına yol verməyəcək. Bir azdan fayton daş darvazadan içəri girdi və sıx qoz ağaclarıyla əhatə olunmuş xiyabanla irəlilədi. Xiyabanın hər tərəfi çəmənlik idi və adda-budda palıd ağacları görünürdü. Qayçılanmış yaşıl otlağın üstünə günəşdən yanmış qızılı-çəhrayı zolaq düşmüşdü. Bir az irəlidə isə yamyaşıl təpələr vardı, xiyabanın qurtaracağında alçaq təpəliyin üstündə üzün aynabəndi və çoxlu pəncərəsi olan ev görünürdü. Bütün bunlara yaxşıca tamaşa etməyə ağ Diş macal tapmadı. Araba xiyabana daxil olan kimi onun üstünə hiddətlənmiş, qəzəbdən gözləri qızmış bir çoban iti cumdu. Bütün tüklərini qabartmış Ağ Diş təmkinlə, sakit-sakit sarsıdıcı zərbə endirməyə hazırlaşdı. Lakin tutaşma baş vermədi. Ağ Diş yarı yolda dayandı. Elə bil qurumuşdu, sonra çömbəldi. O, bircə dəqiqə bundan əvvəl downloaded from KitabYurdu.org 258 ayaqlarından vurub yıxmaq istədiyi itdən necə olur-olsun uzaqda qalmağa çalışdı. Bu, dişi it idi və Ağ Dişin cinsinə mənsub olanların qaydasına görə dişilərə hücum et- mirdilər. Dişi itə hücum etmək Ağ Diş üçün öz instinktinin hökmü əleyhinə getmək idi. Amma dişi itə instinkt tamam başqa şey deyirdi. Çoban iti şimal çöllərindən qeyri- ixtiyari qorxurdu. Xüsusilə Ağ Diş kimi şimal itlərini görəndə vahimələnirdi. Ağ Diş çoban iti üçün canavar idi, ona düşmən idi. Və bu düşmən canavar hələ uzaq-uzaq za- manlarda onun əcdadlarının xılını məhv etmişdi. Buna görə də çoban iti Ağ Dişin üstünə şığıdı. Canavar balası könülsüz mırıldadı. Çiynində kəskin diş yarası hiss edib zingildədi. Amma çoban itini dişləmədi. Təşvişlə geri sıçrayıb itin böyrünə keçməyə çalışdı. Ancaq bütün cəhdləri əbəs idi - çoban iti ona yol vermirdi. Arabada oturmuş yad adamlardan biri çığırdı: - Hey, Kolli, gəl bura! Uidon Skott güldü, dedi: - Eybi yoxdu, ata. Qoy Ağ Dişə dərs olsun. O, hələ burada çox şey öyrənəcək. Qoy elə, bəri başdan öyrənsin. İşin olmasın, birtəhər keçinər. Araba aralandı. Kolli isə hələ də Ağ Dişin qabağını kəsmişdi. Canavar balası onu ötüb qaçmağa çalışdı. O, yoldan dönüb otluğa cumdu, çoban iti isə bu biri tərəfdən downloaded from KitabYurdu.org 259 qaçdı. Ağ Diş yenə onun cənginə keçdi. Canavar balası geri dönüb o biri otluğun içinə girdi, amma bu da mümkün olmadı. Ev iti onun qabağını kəsmişdi. Araba isə canavar balasının sahibini, Allahını aparırdı. Ağ Diş arabanın ağaclıqlar arasında yavaş-yavaş gözdən itdiyini gördü. O, çıxılmaz vəziyyətdə idi. Çoban iti əl çəkmirdi. Bu vaxt Ağ Diş ona tərəf döndü. Köhnə fəndlərini işlədib, əvvəlcə itin çiynindən, sonra ayaqlarından vurub yıxdı. Çoban iti o qədər bərk qaçırdı ki, Ağ Dişin zərbəsi onu kəllə-mayallaq aşırıb bir neçə dəfə yerdə fırlatdı. İt dırnaqları ilə yerdən yapışıb dayanmağa çalışır, ucadan zingildəyirdi. O, təhqir olunmuş qürurundan hiddətlənmişdi. Ağ Diş daha gözləmədi. Yol açıq idi və ona da elə bu lazım idi. Çoban iti isə vəngildəyə-vəngildəyə onun dalınca yüyürdü. Ağ Diş sürətlə qaçırdı. Çoban iti ona çata bilməzdi. O, hürə-hürə, haray-həşir sala-sala qaçır, bütün gücünü yığıb sıçramağa hazırlaşırdı. Ağ Diş isə sakitcə, arxayınçılıqla qaçırdı. Evə gəlib çatanda Ağ Diş sahibinin faytondan düşdüyünü gördü. Canavar balası evin girəcəyində dayandı. Bu vaxt ona hücum ediləcəyini başa düşdü. Onun üstünə şotland köpəyi şığıdı. Ağ Diş ona yaxşıca dərs vermək üçün hazırlaşmağa çalışdı. Lakin gec idi. downloaded from KitabYurdu.org 260 Şotland köpəyi yetişmişdi. Köpək yandan Ağ Dişin üstünə cumdu. Bu gözlənilməz zərbədən Ağ Diş şar kimi yerdə diyirləndi. Amma ayağa duranda onun görkəmindən cin yağırdı, qulaqlarını başına sıxmışdı, dodaqlarım və bumunu qəzəblə əsdirirdi o, az qala dişlərini şotland köpəyinin boğazına batıracaqdı. Sahib köməyə yeridi. Amma o çatana kimi Kolli özünü yetirmişdi. Çoban iti şotland köpəyinin ölümcül yaralanmasına imkan vermədi. Kolli qasırğa kimi canavar balasının üstünə cumdu. Şimal cəngəlliyindən gəlmiş bu qonağa çoban itində nifrət oyanmışdı. Onun təhqir olunmuş ləyaqəti və ədavətli kini bu nifrəti yalnız alışdırmışdı. Cəngəllikdən gəlmiş qonaq bic idi, çevik fəndlərlə onu ötüb keçmiş, hələ bir Kollini yerə də sərmişdi. Buna görə də, Ağ Diş şotland köpəyinin işini bitirmək istəyəndə Kolli onun üstünə şığıdı və ikinci dəfə onun ayağından dişdəm götürdü. Bu vaxt hadisə yerinə çatan Skott Ağ Dişi tutdu, atası isə itləri geri çağırdı. Skott Ağ Dişi sakitləşdirə-sakitləşdirə donquldandı: - Arktikadan gəlmiş bu bədbəxt canavara yaxşı qəbul düzəldiblər burda. Ömründə cəmi bir dəfə onun ayaqlarından vurublar. Burda isə bu bir dəqiqənin içində iki dəfə yazığı kələ-mayallaq aşırıblar. Daha sözüm downloaded from KitabYurdu.org 261 yoxdur. Araba çıxıb getdi. Evdən naməlum allahlar çıxdılar. Onlardan bəzisi sahibdən bir az aralı durmuşdu. Amma iki qadın yaxın gəlib Skottu qucaqladı. Ağ Diş bu düşmənçilik hərəkətinə yavaş-yavaş, tədricən öyrəşməyə başladı. Çünki bu hərəkətlər sahibinə heç bir xəta gətirmirdi, allahların ifadə etdikləri sözlərdə isə təhlükə hiss olunmur- du. Naməlum adamlar Ağ Dişə də yanaşmaq istədilər. Ancaq canavar balası mırıldadı, Skott isə adamları xəbərdar etdi. Ağ Diş öz sahibinin ayaqlarına qısıldı, Skott onun başını nəvazişlə tumarlayaraq sakitləşdirdi. Şotland köpəyi əmr eşitdi: - Dik! Gəl yerinə görüm! Köpək pilləkənləri qalxıb aynabənddə uzandı, amma hürməyindən qalmayıb gözünü qonaqdan çəkmədi. Qadın allahlardan biri Kol- Iinin boynunu qucaqlayıb onu oxşamağa başladı. Amma Kolli heç cür sakit olmurdu, canavarın gəlişinə həyəcanlanmışdı. O mırıldayır, dişlərini qıcırdırdı. Kolliyə elə gəlirdi ki, canavar balasını it cinsinin içinə buraxan allahlar böyük səhv etmişlər. Allahların hamısı aynabəndə qalxdılar. Canavar balası sahibini bir addım belə gözdən qoymurdu. Dik yenə mırıldandı. Ağ Diş də tüklərini qabardıb cavab səsi çıxartdı. downloaded from KitabYurdu.org 262 - Kollini evə aparın, - deyə Skottun atası dilləndi. - Bu ikisi isə qoy boğuşsun. Boğuşandan sonra barışıb dost olarlar. Skott güldü, dedi: - Onda, dostluğunu Dikə sübut etmək üçün Ağ Diş onun yasında mərsiyəçi rolunu oynamalı olacaq... Ata tərəddüdlə əvvəlcə Ağ Dişə, sonra Dikə, daha sonra isə oğluna baxdı. - Deyirsən yəni... Skott başını tərpətdi. - Düz deyirəm. Sizin it bir-iki dəqiqəyə məhv olacaq... Skott Ağ Dişə döndü: - Gedək, gəl gedək, zavallı canavar! Görünür, evə Kollinin yerinə səni aparmalı olacağıq... Canavar balası ehtiyatla pilləkənləri qalxdı və aynabəndə daxil oldu. O, quyruğunu qaldırmışdı, gözlərini isə Dikdən çəkmirdi, eyni zamanda evdə qarşılaşa biləcəyi gözlənilməz təhlükəyə də hazır durmuşdu. Amma evə girəndə heç bir hadisə baş vermədi. Otağın künclərini diqqətlə yoxladı, təhlükə olub- olmadığına göz yetirdi. Sonra razılıqla mırıldanıb sahibinin ayaqları yanında uzandı. O, hər şeyə diqqət yetirir, ətrafdakı hadisələri izləyirdi. Ona elə gəlirdi ki, bu tələnin içində, hardasa böyük bir dəhşət gizlənib və o, downloaded from KitabYurdu.org 263 həmin dəhşətlə hər an döyüşə girişməyə hazır idi. 3 Yüklə Dostları ilə paylaş:
|