DüŞMƏn nüfuzu

Sizin üçün oyun:

Google Play'də əldə edin


Yüklə 0.61 Mb.
səhifə16/30
tarix29.06.2018
ölçüsü0.61 Mb.
1   ...   12   13   14   15   16   17   18   19   ...   30

Kütləvi informasiya vasitələri düşmən nüfuzunun mühüm vasitələrindəndir


Bilin ki, imperializmin nüfuz vasitələrindən biri kütləvi informasiya vasitələri, tele-radio şəbəkələridir. Bu sahəyə çox pul xərcləyirlər. Mən ötən illərdə Amerika və sionizmin, dünya quldurlarının, böyük sərmayədarların kütləvi informasiya vasitələrinə diqqətindən danışmışam. Cümə namazında bu barədə söhbətimiz olub. Onlar bu yolla xalqın düşüncəsinə nüfuz etmək istəyir. Kütləvi informasiya vasitələri onlar üçün bir silahdır. Ölkə daxilində də bəziləri onlarla səs-səsə verib.

Təbii ki, bu sahədə xətaya yol verənlərin hamısı düşmən deyil. Bəziləri nadan dostlardır. Mən bizim tərəfdə olanlardan ciddi şəkildə düşüncələrini işə salmalarını istəyirəm. Bilsinlər ki, bu gün düşmən kimdir. Düşmənin planını bilsinlər. Ağıl budur ki, bütün bunları görəsən. Siz atəş açanda, bomba atanda düşünməlisiniz ki, düşmən sizin bu ərazini vurmağınızı istəyir, yoxsa yox? Düşmənin istəyini həyata keçirməyin, işini asanlaşdırmayın, ona sərf edən addımlar atmayın. Siyasi təhlil gücünüz olsun. Düşmənə işləyən xətalara yol verməməyiniz üçün məsələni yaxşı araşdırın. Təbii ki, münafiq, riyakar düşmən özü üzə çıxa bilmədiyindən sadə, səmimi, nadan insanların arxasında gizlənir. Bu adamları tapıb xəbərdarlıq etmək lazımdır. Bu gün ölkənin və millətin ehtiyacı var ki, insanlarımız iti düşüncəli və iti baxışlı olsun. Ayıq olaq, düşməni tanıyaq, onun işləri barədə məlumatımız olsun.1


Üçüncü fəsil: Düşmən nüfuzu yaradan amillər

Düşmən nüfuzundan qəflətdə olmaq zərbə almaqla nəticələnir


Qurani-Kərimdə Uhud savaşından danışılarkən buyurulur: “Sizə bir müsibət üz verən zaman deyirsiniz ki, bu müsibət haradandır?! Hansı ki, bundan iki qat artıq zərbə vurmusunuz. De ki, bu müsibət özünüzdəndir...”1 Ühüd savaşında acı hadisələr baş verdi. Müsəlmanlar əvvəlcə qalib gəldilər, sonra bir qrup onlara verilmiş tapşırığı yaddan çıxardı və mövqeyini tərk etdi. Onlar qənimət toplamaq üçün meydana getdilər. Fürsətdən istifadə edən düşmən İslam qüvvələrinin arxasına keçib onlara zərbə vurdular. Bu zaman müsəlmanlar qorxularından dağa dırmanmağa başladılar. Həzrət Peyğəmbərin (s) həyatı üçün təhlükə yarandı. Peyğəmbər (s) yaralandı. Sonradan müsəlmanlar gileyləndi ki, nə üçün belə oldu. Dedilər ki, Allah bizə qələbə vəd etmişdi. Cavab olaraq Allah-Taala buyurur ki, biz sizi qalib etdik, Allahın vədi həyata keçdi; amma siz özünüz işi pozdunuz; əvvəla düşmən sizə zərbə vurdusa, siz də onlara zərbə yetirdiniz; təəccüb etməyin, döyüş meydanında həm vurulmaq var, həm də vurmaq... Siyasət meydanında da, dünya iqtisadiyyatında da vurmaq və vurulmaq var. Vurulmamaq intizarında olmalı deyilik. Ayədə müsəlmanların dilindən nəql olunur ki, onlar nə üçün vurulduqlarından heyrətləndilər. Sonra Quran buyurur ki, müqəssir özünüzsünüz. Bəli, müsəlmanlar müəyyən məqamlarda öz vəzifələrini yerinə yetirmədilər. Azğın nəfsi ayaq altına almadıqlarından bunun acısını daddılar. Bəzi şeylərdən çəkinmək lazım idi, çəkinmədilər. Siyasətdə də belədir. Rifah, dəbdəbəçiliyə meyilləndik. Onlar zəif nöqtələr idi. Biz varlı yaşayanda xalq da bizə baxıb, var-dövlət ardınca gedəcək. Bəziləri bəhanə axtarır. Bizə baxırlar və deyirlər ki, onlar necə yaşayırsa biz də elə yaşamaq istəyirik. Bəziləri bu əqidədədir ki, israf və ifrata yol vermək olmaz. Amma bizə baxanda, bizdə israf və ifrat görəndə düşünürlər ki, başçılar belə edirsə nə üçün onlar nəfslərinə qarşı çıxmalıdır?! Bütün bunlar təhlükəli hallardır. İnqilab və inqilabçıların yolu İslam təlimləri əsasında dəbdəbəçilikdən çəkinməkdir. Xalq üçün bacardığınız səviyyədə rifah yaradın. Milli gəliri bacardığınız qədər artırın. Ölkənin sərvətli olması üçün çalışın. Amma məsullar bu arada özlərinə yox deməli, dəbdəbəli həyatdan çəkinməlidir.

Cihad və isar ruhiyyəsindən uzaqlıq, düşmənin ideoloji hücumlarına diqqətsizlik, düşmənin pusquda olmasına göz yummaq, kütləvi informasiya vasitələrində düşmən təxribatlarına diqqətsizlik, beytül-maldan istifadədə məsuliyyətsizlik bizim günahlarımızdır, zəif nöqtələrimizdir.1



Düşmən nüfuzuna diqqətsiz olanda düşmən səni borclu çıxarır


Şəhidlərin xatirəsini unutmamalıyıq. Onların xatirəsi əzizdir, həmişə zehnimizdə canlı olmalıdır. Ölkənin bütün vilayətlərində bu nöqtəyə diqqət yetirilməlidir. Böyük Xorasan vilayəti 23 min şəhid verib. Bu vilayət indi 3 vilayətə bölünüb. Bu rəqəm olduqca böyük rəqəmdir. Yol verməyin ki, bu xatirələr unutqanlıq tozu altında qalsın. Şəhidlərin xatirəsini əziz saxlayın. Dövlət məsulları bu işi görməlidir. Şəhid mərkəzlərinin məsulları buna vəzifəlidir. Başqa dövlət qurumlarının da bu sahədə məsuliyyəti var. Ailələr də təsirləri olan mühitdə bu işi görməlidir. Şəhid adı heç zaman unudulmamalıdır. Şəhidlərlə həmişə qürur duymalıyıq. İnadkar düşmən təbliğatlarında şəhadət dəyərləri də hədəfdədir. Bəzən bunu anti-dəyər kimi göstərmək istəyirlər. Ölkəmizdə belə hadisələr baş verib. Əlbəttə ki, qarşısı alınıb. Bəziləri o qədər həyasızlaşıb ki, şəhid adı, şəhadət hadisəsinin özünü sual altına alıblar. Görün düşmən ideoloji və siyasi təxribatlarında hansı yollara əl atır. Çox ayıq olmalıyıq. Bu təxribatların qarşısı alınmalıdır. İslam meyarlarına görə şəhidlər övliyalar və siddiqlər sırasındadır. Bu çox uca bir baxışdır və insan ağlına çətin sığır. Şəhid materialist baxımdan belə öz milləti yolunda həyatını qurban verən insandır. Heç bir vicdanlı və ləyaqətli insan bu həqiqəti inkar edə bilməz. Ölkəmizdə elə bir zaman oldu ki, bu həqiqəti inkar etmək istədilər. Şəhid övladları atalarının adı ilə fəxr etsinlər. Onlar hansısa ölkəyə hücum zamanı yox, öz ölkələrini müdafiə edərkən şəhadətə çatıblar. Onlar xalqın milli ləyaqətini qorumaq yolunda fəda olublar. Bir zaman şər BƏƏS rejimi dövründə İrana hücum oldu, ən azı İranın bir hissəsini qoparmaq istədilər. Torpaqlarımıza, evlərimizə soxuldular. Xalqımızı təhqir etmək istəyirdilər. Baxın görün ki, bu gün işğalçılar İraqda nə edir. Xarici kişi qeyrətli ərəb kişisinin gözü qabağında müsəlman zövcəsi və bacısının üstündə axtarış aparır. Qeyrətli kişi bu səhnəyə necə dözsün?!

Qeyrətli bir ərəb gənci həyat yoldaşının, övladlarının gözü qabağında yerə yıxıb təpikləyirlər. Ləyaqətli bir ailə bu vəziyyətdə nələr çəkir! Bu oyunu İran xalqının da başına gətirmək istəyirdilər. Səddam, BƏƏS rejimi, Amerika və Sovetlər Birliyi kimi himayədarlar İran xalqı ilə belə rəftar etməyə cəhd göstərdilər. Bizim fədakar əsgərimiz yol vermədi. Bundan böyük qürur ola bilər?! Gənc döyüşçülərimiz düşmənin təcavüzü qarşısında dağ kimi dayandılar və bundan böyük qürur ola bilməz. Sən gənc oğlan, sən gənc qız, sən gənc xanım həmin şəhidin yadigarlarısınız. Ey şəhidin ailəsi, ata-anası, onunla iftixar edin. Şəhidlərlə qürur duymaq hamımızın işidir. Yol verməyək ki, şəhidlər unudulsun. İnqilabçı mömin insanlar, xalq ayıq olsun, yoxsa nüfuz edənlər bizi borclu da çıxaracaq. Qurani-Kərimdə buyurulur: “Qorxu halından çıxanda acı dilləri ilə qəzəblərini sizə yönəldirlər. Qənimətdən paylarını istəyəndə də hərisdirlər. Onlar iman gətirməyiblər, buna görə də Allah əməllərini puç etdi.”1 Təhlükə yaranan zaman yuvalarında nəfəs almadan oturublar. Təhlükə aradan qalxandan sonra, fədakar insanlar sinələrini sipər edib təhlükəni uzaqlaşdırdığı zaman bunlar da yuvalarından çıxırlar. Bu zaman dilləri uzun və itidir, səni borclu da çıxararlar. Yol verməyin ki, inqilabın, imamın cihad xəttinin, Allaha imanın düşmənləri sizi borclu çıxarsın.




Dostları ilə paylaş:
1   ...   12   13   14   15   16   17   18   19   ...   30
Orklarla döyüş:

Google Play'də əldə edin


Verilənlər bazası müəlliflik hüququ ilə müdafiə olunur ©muhaz.org 2017
rəhbərliyinə müraciət

    Ana səhifə