ish joyida bir paytda bir bemordan ortiq kishi bo‘lmasligi kerak.
Ish joyini to‘g‘ri tashkil etish igna bilan jarohatlanish hollariga chek qo‘yadi. Shpris va ignalar bilan bajariladigan muolajalar soni- ning kam bo‘lishi bexosdan igna sanchilishi hollarini kamaytiradi (8-rasm).
Q
9-rasm. Qo‘lni yuvish. o‘lni yuvish (aseptika qoidalariga rioya qilish).
Barcha hamshiralar har bir inyek- siyadan oldin albatta qo‘llarini yuvishlari kerak. Ayniqsa, qo‘lga qon sachraganda yoki qo‘l ifloslanganda qo‘lni yuvish shart. Har bir tibbiy xodimda o‘zining sochig‘i bo‘lib, uni har kuni almashtirib turishi yoki yuvishi shart, aks holda sochiqda kasallik chaqiruvchi ko‘plab mikro- organizmlar yig‘ilishi tabiiy. Sochiq bo‘lmaganda qo‘l bir martalik salfetka bilan artiladi (9-rasm).
3.Steril shprislar va ignalardan foy- dalanish. Har bir inyeksiya uchun faqat bir marta ishlatiladigan shpris va ignalarni qo‘llash zarur. Bir marta ishlatiladigan shprislar va ignalar dori hamda vaksinalarning barcha turlari uchun yaroqlidir. O‘zbe-
10-rasm. Bir marta ishlatiladigan standart shpris va igna.
kistonda hozirgi vaqtda rejali emlashlar faqat bir marta ishlatiladigan ignalar bilan bajarilmoqda. Bir marta ishlatiladigan shpris va ignalarning har biri foydalanilgandan keyin bartaraf qilinishi shart. Bir marta ishlatiladigan shpris va ignalar 2 xil ko‘rinishda bo‘ladi: bir marta ishlatiladigan standart shpris va ignalar (10-rasm) hamda bir marta ishlatiladigan qisqichli shpris va ignalar. Bunday shpris va ignalarning qayta qo‘llash imkoniyatini bermaydigan moslamasi (qisqichi) bo‘ladi (11-rasm).
