Əhli Sünnə Vəl Cəmaat Sələfi Salihin Əqidəsi SƏHİh dua və ZİKİRLƏR

Xülasə: Yuxarıda qeyd olunanlardan aydın oldu ki, dua etdikdən sonra əlləri üzə məsh (sürtmək) istər namaz daxilində, istərsə də namazdan kənarda söz və əməl olaraq Peyğəmbərin  səhih şəkildə sabit olmamışdır. Həmçinin Bakr Əbu Zeyd – hafizahullah – bu məsələni kökündən araşdırdıqdan sonra söyləmişdir ki: "Səhabələrdən də bu barədə səhih bir şey varid olmamışdır". Peyğəmbərin  dua etdiyi zaman əllərini səmaya qaldırmasını rəvayət edən səhabələr Peyğəmbərin  duadan sonra əllərini üzünə məsh etməsini görmüş olsaydılar heç şübhəsiz ki, onu da rəvayət edərdilər. Lakin səhih hədislərin heç birində Peyğəmbərin  əllərini qaldırıb dua etdikdən sonra üzünə məsh etməsi rəvayət edilməmişdir. Lakin müsəlmanlardan kimsə İmam Şovkani, Sanani  və s. bu əmələ izn verən alimlərin ardınca gedərsə belə bir kimsəni bidətçi adlandırmaq doğru olmaz”. İbn Bazzın  rəhbərliyi altında olan "Daimi Fətvalar Komitəsindən" dua etdikdən sonra əlləri üzə məsh etmək barəsində soruşurlar: Cavab: Allaha dua edərək yönəlmək vacib əməllərdəndir. Həmçinin dua edilən zaman əlləri qaldırmaq da əmr olunan bir əməldir. Lakin dua etdikdən sonra əlləri üzə sürtmək əmr olunmayan bir əməldir. Bu barədə hədislər olsa da belə onların hər biri zəifdir". Daimi Fətvalar Komitəsi – yuxarıda qeyd etdiyimiz hədisləri zikr etdikdən və onların zəif olduğunu isbat etdikdən sonra deyirlər: "Dua - əmr edilmiş bir ibadətdir, lakin dua etdikdən sonra əlləri üzə məsh etmək nə söz, nə də əməl olaraq Peyğəmbərdən  varid olmamışdır. Bu barədə varid olan hər bir şey zəifdir. Daha doğru olar ki, zəif hədisləri tərk edərək səhih hədislərə yönələsiniz. Hansıki qeyd edilmir Peyğəmbər  dua etdikdən sonra əllərini üzünə məsh etməsi"¹⁶³. Şeyx Useymin  dua etdikdən sonra əlləri üzə məsh etmək barəsində soruşurlar o: "Dua etdikdən sonra əlləri üzə məsh etməyi daha doğrudur əmr edilməmiş (bir əməldən) adlandırmaq. Bu barədə olan hədislər isə zəifdir. Şeyxulİslam bu hədislər barəsində deyərdi: "Dəlil olaraq bu hədislər qəbul edilməzdir"... Mən hesab edirəm ki, dua etdikdən sonra əlləri üzə sürtmək Sünnə deyildir. Məlumdur ki, Peyğəmbər  yağış yağması üçün əllərini qaldıraraq Allaha dua etmiş, lakin duadan sonra əllərini üzünə məsh etməmişdir. Həmçinin bir çox səhih hədislərdə varid olmuşdur ki, Peyğəmbər  dua edərkən əllərini qaldırmış, lakin heç birində duadan sonra əllərini üzünə sürtməsi barəsində bir şey keçməməkdədir"¹⁶⁴. əl-Albani  deyir ki: "Dua edərkən əllərin qaldırılması barəsində bir çox səhih hədislər vardır, lakin heç birində dua etdikdən sonra əlləri üzə məsh etmək barəsində bir şey yoxdur. Bu da bu əməlin (nə Sünnə) yol verilməz, nə də əmr edilməyən bir əməl olmasına dəlalət edir"¹⁶⁵. Salman Farisi  rəvayət edir ki, Rəsulullah  buyurdu: «Həya və Kərəm sahibi olan Rəbbimiz əllərini ona tərəf qaldıran qulunun əllərini geri boş qaytarmaqdan həya edər»¹⁶⁶.