ZEYTUN YAĞININ KEYFİYYƏTİNİN EKSPERTİZASI 4.1. Ekspertizanın obyekti, məqsədi və üsulları Müasir dövrdə dövlətlər arasında iqtisadi əlaqələr qurulduğu halda ticarət əlaqələri də genişlənir və inkişaf edir. Belə əlaqələrdən biri kimi tarixi İpək yolunun bərpası keyfiyyətcə yüksək olan və Beynəlxalq standartlara cavab verən məhsulların dünya bazarına çıxarılmasını da qeyd etmək lazımdır. Belə bir şəraitdə xarici ölkələrdən respublikamıza çoxlu miqdarda ərzaq məhsulları daxil olur. Bu məhsullar içərisində zeytun yağlarını da misal göstərmək olar. Bitki yağları pərakəndə ticarət şəbəkəsində xüsusi çəkiyə malikdir. Respublikamıza gətirilən zeytun yağlarını yoxlamaq və keyfiyyətini qiymətləndirmək müasir dövrdə istehlak mallarının ekspertizası ilə məşğul olan alimlərin qarşısında duran əsas vəzifələrdən biridir. Zeytun yağları əsasən Respublikamıza Yunanıstan, İspaniya, İtaliya və Türkiyədən gətirilir. Zeytun yağları müxtəlif markalarda və adlarda istehsal olunur. Bunlara misal olaraq Extra Virgin, Riviera, Pomace markalı zeytun yağlarını və Respublikamızda istehsal olunan “Final” və “Zeytun bağları” markalı zeytun йаьларыnı göstərmək olar. Bu yağların müxtəlif markalara və ticarət sortlarına ayrılması onların ekspertizasını və keyfiyyətinin qiymətləndirilməsini zəruri hesab edir.
