Soba dolab (duxovka). Müasir elektrik soba dolablarının mo-dellərinin dizaynı forma gözəlliyi və istifadə rahatlığı ilə uzlaşdırılır. Sobalar nəfis tərtib olunmuş rahat tənzimləyiciləri, dəbli basılma və ya sensor düymələri, işarələri işıqlanan tünd rəngli şüşəli displeyi olan idarəetmə paneli ilə təchiz edilir. Gələcəyə istiqamətlənmiş dizaynla yanaşı, bizi 20-ci əsrin əvvəllərinə qaytaran retro üslubunda oval şüşəli pəncərəsi olan, dəstəyi misdən hazırlanmış, guya zamanın təsiri nəticəsində ağarmış tünd rəngdən açıq rəngə keçən panel üzərindəki idarəetmə dəstəkləri ilə hazırlanmış sobalar da istehsal edilir. Bu cür soba mətbəxin əsas dekorativ elementinə çevrilir.
Sobanın üz səthini ya «incə» çalarlı rənglərlə minalı və ya paslanmayan poladdan (cilalanmış parlaq və ya qeyri-parlaq) və ya çox sürətlə dəbə minən yeni minilliyin dekorativ materialı – alüminium, daha doğrusu, alüminiumun maqniumla xəlitəsindən hazırlayırlar. Xəlitənin üzəri elə işlənmişdir ki, nəticədə o, daha möhkəm və yüksək tempera-turların təsirinə davamlı olmuş, onun üzərində barmaq izləri qalmır, fakturasının dizaynı isə neytral olmaqla, qapağının şüşəsi və istənilən digər materiala və həmçinin istənilən rəngdə mebellə çox gözəl uzlaşır.
Sobaların daxili quruluşu əhəmiyyətli dərəcədə rahat olmuşdur. Hərəkət məhdudlaşdırıcısının yeni sisteminin tətbiqi rəfin çox rahat hərəkət
181
etməsinə və onun hətta ən kənar vəziyyətə gətirildikdə belə yerə düşməsinə imkan vermir. İri ət tikəsini qızartmaq üçün polad şiş daha çox yer tutmaması üçün diaqonal yerləşdirilmişdir. Şişin eyni sürətlə rəvan fırlanması üçün elektrik mühərriki quraşdırılmışdır.
Sobanın avtomatikasının ən yeni nailiyyəti – dialoq elektronikasıdır ki, onun köməyi ilə sobaya sual verib cavab almaq olar, məsələn, verilmiş proqram üzrə yeməyin bişməsinə nə qədər vaxt qalmışdır. Yeməyin bi-şirilmə üsulunu və hazırolma müddətini sifariş etmək mümkündür.
