Əhmədov Əhməd-Cabir İsmayıl oğlu Osmanov Tofik Ramazan oğlu İstehlak mallarinin funksional

Mətbəx havatəmizləyiciləri. Müasir mətbəx havatəmizləyicilərinin əsas funksiyası pərlər vasitəsilə yaradılan hava axınının köməyi ilə iylərin xaric edilməsi, dəm qazlarının, sıçramayan mikroskopik yağ damcılarının təmizlənməsi. Havanın təmizlənməsi, xüsusilə müasir dövrdə dəbdə olan mətbəxin otaqla birləşdirilməsi ilə yaradılan «studiya» tipli kiçik mənzillər üçün vacibdir. Ən keyfiyyətli müasir havatəmizləyicilər mətbəxdəki çirklərin və iylərin 96%-ni 6-8 dəqiqə ərzində təmizləməyə qadirdir.
İlk baxışdan havatəmizləyicilər sadə cihazlardır: pərləri olan bir və ya iki elektrik mühərriki, bir və ya iki süzgəc və gövdə, lakin buna baxmayaraq onlar bir-birindən xeyli fərqlənir. Sadə modellər minimum de-tala və sönük dizayna malikdir. Orijinal işıqlandırma sistemi olan, «akustik paketli» supersəssiz elektrik mühərrikli cihazlar da vardır. Yüksəksinifli havatəmizləyicilər unikal funksiyalara malik olmaqla, bahalı material-lardan hazırlanmış gözəl dizaynlı olur.
Bütün havatəmizləyicilər quraşdırılma məişət texnikasına aid edilir. Onlar iki tipdə olur. Birinci tip – tam quraşdırma havatəmizləyiciləridir ki, onlar da, məsələn, asma dolabın içərisinə quraşdırılır. Bu cür cihazı dola-bın içərisinə aşağıdan baxmaqla görmək olar. İkinci tip – havatəmizləyici interyerin müstəqil əşyası kimi. Bu modellər daha çox rast gəlinir və aşağıdakı növlərə bölünür.
Gözəl dizaynlı dekorativ havatəmizləyiciləri divara bərkidilir. Onlar mətbəxin tərtibatının mərkəzi üslub elementidir. Bu ya hava-təmizləyici dolab-buxarı, ya zirvəsi kəsik piramida formalı papaq şəklində

183
və ya yarımkonus və ya divara bərkidilmiş düzbucaqlı əymə tavan şəklində ola bilər.

Adaşəkilli havatəmizləyicilərini mətbəxin ortasında tavandan asırlar və onlar divarlara birləşməyərək mətbəxin mərkəzində «ada»ya bənzəyir. Bu növ havatəmizləyicilər də gözəçarpan dizayna malik olur.
Hərəkətli panelli havatəmizləyicilərinin daxilində süzgəc üçün rəfi olan hərəkətli ekran yerləşdirilir. Öz-özlüyündə bu cür cihazlar çox iri olmur, lakin onların hərəkətli ekranları sobanın üzərini tam örtməklə havanı səmərəli təmizləməyə imkan verir.
Havatəmizləyicilərin dizaynının vacib elementlərindən biri onun gövdəsinin hazırlandığı materialdır: plastik, polad gövdənin üzərində mina, paslanmayan polad, alüminium, bişirilmiş tündləşdirilmiş şüşə. Cilalanmış paslanmayan poladdan istehsal edilmiş havatəmizləyicilər ən bahalı sayılır. Hazırkı dövrdə dizaynın ən dəbli meyli – alüminiumun xüsusi üsulla hazırlanmış dekorativ tərtibatıdır. Bu cür texnologiya ilə hazırlanmış mate-rial ətrafda yerləşən əşyaların, istər təbii ağac, şüşə, istənilən rəngdə plas-tikin çalarını özündə əks etdirərək gözəl harmoniya yaradaraq interyerin əsas bəzəyinə çevrilir.