Tədqiqatın metodları: Tədqiqat işinin materialının və metodlarının dəqiq müəyyənləşdirilməsi qarşıda duran məqsəd və vəzifələrin tələb olunan səviyyədə yerinə yetirilməsinə imkan yaratmışdır. Təhlil materialı kimi istifadə olunan sözlər ingilis və Azərbaycan dillərində mövcud olan lüğətlərdən götürülmüşdür: Tədqiqat işinin spesifikasına uyğun olaraq, tədqiqat işində eksperimental, linqvistik və müqayisəli təhlil metodlarından geniş şəkildə istifadə olunmuşdur. Tədqiqat işində eksperimental metodun tətbiqi söz prosodikasına dair irəli sürülmüş elmi fikir və nəzəriyyələrdən hansının elmi cəhətdən daha düzgün olduğunu sübuta yetirmək məqsədi güdmüşdür. Bu mənada, eksperimentin tətbiqi ilə bağlı L.V.Şerbanın fikri daha çox maraq doğurur. О qeyd edir ki, eksperimenti eksperiment xatirinə yox, hər hansı bir dil hadisəsini yoxlamaq üçün tətbiq etmək lazımdır [132, s.259-260]. Biz də tədqiqat işimizdə bu prinsipi gözləməyə çalışmışıq.
