Əlavə 4 azərbaycan respublikasi

Tədqiqatın metodları: Tədqiqat prosesində müqayisə, tutuşdurma-qarşılaşdırma, ənənəvi təsir etmə, müqayisəli-tipoloji və təcrübi metodlarından istifadə olunmuşdur.

Müdafiəyə çıxarılan əsas müddəalar: Tədqiqat işində aşağıdakı müddəalar müdafiəyə çıxarılır:

1. Bütün dil səviyyələrində interferensiyanın linqvistik statusunun müəyyənləşdirilməsi daha vacibdir. Bunun üçün interferensiya dil hadisəsi kimi aydınlaşdırılmalı, fonetik səviyyədə interferensiyanın təhlili keçirilməli, leksik səviyyədə interferensiyanı müəyyənləşdirmək, qrammatik səviyyədə interferensiyanın təhlilini aparmaq, morfoloji və sintaktik səviyyədə interferensiyanın müəyyənləşdirmək və semantik səviyyədə interferensiya anlayışına aydınlıq gətirilməli və spesifikası açılmalıdır.

2. Cümlə və mətn səviyyəsində interferensiyanın təhlili verilməlidir. Belə təhlillər istər sadə cümlədə olan interferensiyalarda; istərsə də mürəkkəb cümlədə olan ( bura daxildir tabesiz və tabeli mürəkkəb cümlələrdə olan) interferensiyalarda aparılmalıdır. Bununla yanaşı mətn səviyyəsində baş verən interferensiyaların da bütün xüsusiyyətləri müəyyənləşdirilməli və təhlil edilməklə aradan qaldırılmalıdır.

3. Tərcümə prosesində interferensiyanın geniş təhlili aparılmalıdır. Bunun üçün söz və söz birləşmələrinin qrammatik mənimsənilməsi məsələsi aydınlaşdırılmalı, frazeoloji birləşmələr və idiomatik ifadələrdə interferensiyanın başvermə xüsusiyyətlərini göstərmək və atalar sözləri və məsəllərin interferensiya prosesində məna tutumlarının düzgün öyrənilməsini aydınlaşdırmaq.