Elektron təHSİL müsabiqəsi – 016 Müəllim istiqaməti üzrə nominasiya «Tədris üçün ən yaxşı elektron metodiki tövsiyə / sənəd»
Yüklə 55,72 Kb.
|
|
ELEKTRON TƏHSİL müsabiqəsi – 2016 Müəllim istiqaməti üzrə nominasiya 6.1.3. : « Tədris üçün ən yaxşı elektron metodiki tövsiyə / sənəd » Mövzu: « OFFİCE MİX - Power Point təqdimatlarını interaktiv dərsə çevirən vasitədir » Müəllif: 60 saylı orta məktəbin kimya – biologiya müəllimi Şirin Nəcəf qızı Məmmədova Müsabiqəyə təqdim edilən iş Microsoft şirkətinin Power Point proqramı üçün yaratdığı Office Mix əlavəsinin istifadəsi haqqındadır. Bu məhsul, tədris zamanı Power Point proqramından geniş istifadə edən müəllim və şagirdlər üçün çox böyük imkanlar yaradaraq, istifadə edilən təqdimatları interaktiv edərək canlandıran vasitədir. İnteraktivlik necə yaradılır? Təqdimat slaydları üzərində yazılı qeydlərin aparılması, səsli və görüntülü izahatların verilməsi, mövzuya aid sorğu-suallar hazırlamaq üçün müxtəlif şablonların tətbiqi, lazımi təsvirin, videonun və ya audio faylın slaydlara salınması, çəkilmiş videoların redaktə olunma imkanlarını yaradır. Bundan əlavə yaradılmış Mix müəllim tərəfindən internetdə paylaşılaraq, şagirdlərə ondan müstəqil istifadə imkanı verir. İzləyicilərin və istifadəçilərin rəy və təkliflərini, tənqidi fikirlərini əldə etmək imkanı, müəllimin öz üzərində işləyərək peşəkarlığının artmasına səbəb olacaq.
Office Mix - dən istifadə üçün Windows əməliyyat sistemi olan kompyuterlər, Office 2013 və ya müəllimlər üçün Office 365 tələb olunur. Əlavəni https://mix.office.com/en-us/Home ünvanından Get Mix seçməklə yükləmək olur. 
Power Point əlavəsini yüklədikdən sonra siz Mix portalına daxil olmalısız. Bu məqsədlə şəkildə göstərinən account -larınızdan birini istifadə edə bilərsiniz. 
Office Mix -in əsas menyu paneli. Mix-i yüklədikdən sonra Power Point proqramını açdıqda, onun Menyu panelində Mix düyməsi görünəcəkdir. Mix düyməsini seçdikdə ona məxsus menyu paneli görünəcəkdir. Mix menyusunun əsas düymələri bunlardır: 
Əsas Mix düymələrinin istifadə qaydası. İnteraktiv dərsin yaradılmasında işlədilən əsas Mix düymələrindən istifadə qaydaları ilə tanış olaq. Power Point-da dərsi hazırlayarkən slaydlara mövzuya uyğun müxtəlif şəkillər əlavə etmək tələb olunur. Əgər sizin kompyuterdə hazır şəkillər varsa, onda adi qaydada İnsert – Daxil et düyməsi vasitəsi ilə seçdiyiniz şəkli əlavə edə bilərsiniz. Screenshot - Ekran şəkli 
Komputerinizdə hazır şəkil olmadıqda, Mix sizə 2 variant təklif edir:
Hər hansı internet bəldçisi ilə uyğun şəkli tapıb onu yadda saxlamadan asanlıqla slayda daxil edirik. Bu zaman Mix menyusunun Screenshot - Ekran şəkli duyməsi seçilir və slayda ekranın tam şəkli düşür. Əgər eyni zamanda ekranda bir neçə pəncərə açıqdırsa, onda kursorla sizə lazım olanı seçmək lazımdır. 
Ekran kəsimi Əgər siz açıq ekran pəncərəsinin müəyyən hissəsini çəkib slayda salmaq istəyirsinizsə, onda Screenshot - Ekran şəkli düyməsini seçdikdən sonra Ekran kəsimi düyməsini seçirsiniz. Bu zaman ekran nisbətən ağaracaq və kursor “+” işarəsinə çevriləcək. Onu istədiyiniz sahəyə dogru hərəkət etdirib seçdikdə, yalnız həmin sahənin şəkli slayda düşəcək. 
Əgər sizin komputerinizdə hazır video və ya audio fayl varsa, bu halda onların slayda yerləşdirilməsi adi qaydada aparılır. İnsert video və ya İnsert audio (Video və ya səsin slayda yerləşdirilməsi) düyməsi bunu asanlıqla edəcək. Screen recording – Ekran çəkilişi Lakin vaxt məhdudiyyəti və hazır video faylın olmadığı təqdirdə, internetdən sadəcə zəruri video tapılır və Mix menyusunun Screen recording – Ekran çəkilişi düyməsi ilə həmin video çəkilir. 
Ekran çəkilişi tam ekranlı və ya seçilmiş ekran sahəsinin çəkilişi kimi aparıla bilər. Çəkilişi dayandırdıqda video fayl avtomatik olaraq sizin slayda yerləşir. Çəkilişin səslə müşahidəsi lazımdırsa menyudan Audio düyməsi seçilir, əks halda çəkiliş səssiz olacaq.
Ekran çəkilişi zamanı hər hansı obyektə diqqəti yönəltmək istəyirsinizsə Record Pointer - Çəkiliş göstəricisi düyməsini istifadə etmək lazımdır. 
Quizzes,Videos, Apps - Sorğu-Sual, Videolar, Köməkçi vasitələr (simulyasiyalar) Təcrübədə sınanıb ki, şagirdlər mövzuya uyğun tapşırıqlar, suallar, virtual eksperimentlər etdikdə mövzunu daha yaxşı qavrayır və uzunmüddətli mənimsəyirlər. Son illər təhsil sahəsində geniş istifadə olunan kompyuter texnologiyaları bu cür resursların yaradılmasında əvəzolunmaz xidmət göstərir və çox geniş imkanlar yaradır. Office Mix-dən tədris vaxti geniş istifadə olunan və əhəmiyyətli dərəcədə praktiki tətbiqi olan xüsisyyətlərindən biri Quizzes,Videos, Apps - Sorğu-Sual, Videolar, Köməkçi vasitələr düyməsidir.
Mix menyusundan həmin düyməni seçdikdə slayda belə bir pəncərə gəlir. 
Göründüyü kimi burada müxtəlif suallar tərtib etmək üçün hazır şablonlar (bir düzgün cavablı və ya bir neçə uyğun cavablar seçmək imkanı verən, ifadəyə rəğmən dogru və ya yanlış variantlardan birinin seçilməsi) və bəzi tədris resurslarının interaktiv tapşırıqlar olan bölməsinə birbaşa keçidlər verilir. Siz istədiyiniz bir resurs seçəndən sonra onu Add – Əlavə et düyməsi vasitəsi ilə slayda yerləşdirmiş olursunuz. Daha sonra özünüz mövzuya uyğun sorğu – sual tərtib edə bilərsiniz. Məsələn şablonlardan biri olan True False Quiz - Doğru -Yalnış Sorğusunu seçib, Add – Əlavə et düyməsini basdıqda, slaydda belə bir görüntü yaranacaq.  
Siz sual yerinə mövzuya uyğun bir ifadə yazırsınız və şagirdlər bu ifadənin doğru və ya yanlış olduğunu müəyyən etməlidirlər. 
Cavab seçildikdən sonra o daxil edilir və əgər düzdürsə Correct – Doğru, səhvdirsə İncorrect- Yanlış cavabı ekranda görsənir. Retry – Təkrarla (Bir daha sına) düyməsi ilə eyni sualı yenidən cavablandırmaq olar. Digər şablonlarlardan isifadə edərkən sualların cavabı təkseçimli və ya çoxseçimli olduğu əvvəlcədən müəyyən edilməlidir.
Məsələn, Biologiya fənnindən növbəti sorğunu tərtib edərkən, yuxaridaki İnsert question here - Sualı daxıl et sətrinə sual yazılır, sualın aşağı hissəsinə onun bir düzgün cavablı və ya 
bir neçə cavabın uyğun olduğu seçilir və İnsert option here - Cavab daxil et sətrində müxtəlif cavab variantları yazılır. 
Sualı cavablandırdıqda ekranda cavabın düz və ya səhv olduğu görünəcək. Səhv olduğu halda özünü yenidən yoxlamaq üçün Retry, düz olduğu halda Continue – Davam et xanasını seçərək növbəti slayda keçid alınır. Təhsil videoları və similyasiyalar Mix-in Quizzes,Videos, Apps - Sorğu-Sual, Videolar, Köməkçi vasitələr düyməsində bir neçə xarici təhsil resurslarından istifadə imkanı var. Dünyaca məhşur Khan Academy saytında yüzlərcə tədris videoları, PHET İnteractive Simulations saytında bir çox fənnlərə aid simulyasiyalar, CK - 12 Science Resourses saytında mətnlər, videolar, riyaziyyat fənni üçün CK-12 Math Resourses saytında isə müxtəlif vasitələr tapıb dərslərdə istifadə etmək olar. Qeyd edim ki, Azərbaycan Respublikasında təhsilin inkişafı üzrə Dövlət Strategiyasının dördüncü istiqaməti təhsil müəssisələrində informasiya-kommunikasiya texnologiyaları əsaslı infrastrukturun yaradılması, distant və elektron təhsil formalarının inkişafı kimi məsələləri öndə tutur. Bu baxımdan Azərbaycan Respublikası Təhsil Nazirliyinin Elektron resurslar Təhsil portalının yaradılması ona görə böyük əhəmiyyət kəsb edir ki, müəllim və şagirdlər azərbaycan dilində elektron resurslardan istifadə imkanı əldə etdilər. Edumedia Azərbaycan şirkətinin fəaliiyyətindən biri olan Video dərslər-in çəkilişi resursların təhsildə tətbiqinə nümunədir. Xarici elektron resursların da bir qismi tərcümə olunaraq müəllim və şagirdlərin istifadəsinə verilib.
Sadaladığım bu elektron vasitələrdən dərslərinizdə istifadə etmək üçün, Mix -in Quizzes,Videos, Apps - Sorğu-Sual, Videolar, Köməkçi vasitələr düyməsindən Web Viewer seçməklə yararlana bilərsiniz. Açılan pəncərədə etibarlı internet ünvanını yazdıqda slayd səhifəsində həmin website açılacaq. Website bu cür açılmadığı təqdirdə, slayda İnsert Hyperlink - Link daxil et düyməsindən istifadə edə bilərsiniz. http://e-resurs.edu.az/site/index.php - Müxtəlif fənnlərdən elektron tapşırıqlar http://portal.edu.az/ - Azərbaycan dilində xarici elektron resurslar http://www.video.edu.az/ - Müxtəlif fənnlər üzrə mövzu izahları Slide Recording - Slayd çəkilişi Slide Recording - Slayd çəkilişi dərslərin izahında istifadə olunan əvəzsiz alətdir. Müəllim bu alət vasitəsi ilə çətin qavranan mövzulara geniş şərh verə bilər, slaydlar üzərində qeydlər edə bilər, səsini yaza və video görüntüsünü daxil edə bilər. Mix-in bu imkanı dərsdə hər hansı səbəbdən iştirak etməyən və ya distant təhsil alan şagirdlərin tədrisini effektiv təşkil etməyə kömək edir. Mix menyusundan Slide Recording - Slayd çəkilişi düyməsini seçdikdə belə bir pəncərə açılır. 
Pəncərədəki düymələrin izahatı aşağıdaki kimidir. 
Record - Çəkilişi başlamaq Stop - Çəkilişi dayandırmaq Previous Slide / Next Slide - Əvvəlki və Sonraki slaydlara keçmək Previous Animation / Next Animation - Əvvəlki və Sonraki animasiyalara baxmaq Preview Slide Recording - Dayandırııldıqdan sonra çəkilənə baxmaq Edit Slide Recording - Slayd çəkilişini redaktə etmək Slide Notes – Slayd qeydlərinin ekranın yuxarısında görünməsi Əgər slayd çəklişi zamanı öz görüntünüzün ekranda olmasını istəyirsinizsə, onda ekranın sağ hissəsində yerləşən kiçik ekrandan kameranı seçin. 
Seçmədiyiniz halda slayd çəkilişi görüntüsüz aparılacaq. Eyni qayda ilə slayd çəkilişi zamanı danışığınızın yazılmasını istəyirsinizsə, yenə həmin hissədən mikrofon seçilməlidir, əks halda çəkiliş səssiz olacaqdır.  
Çəkiliş zamanı slaydların üstündə qeydlər aparmaq üçün, yenə də ekranın sağ hissəsindən 
qələmi və onun rəngini seçməlisiniz. Çəkiliş gedərkən istədiyiniz obyektə, yazıya diqqət cəlb etmək lazım gələrsə qələmlə ekranda yazmaq olar. Etdiyiniz qeydləri ləğv etmək üçün, pozan seçilərək istifadə oluna bilər. Bitmiş slayd çəkilişinin redaktəsi. Slide çəklişi bitdikdən sonra, ehtiyac olarsa, o Edit Slide Recording - Slayd çəkilişini redaktə etmək düyməsini seçərək, aşağıda göstərilən əmrlər vasitəsi ilə redaktə edilir. 
Trim Slide Recording – çəklişin istənilən yerdən kəsilməsini icra edir. Delete Slide Recording – xoşa gəlməyən slayd çəklişini silir. Delete All Recording - bütün cəklişləri silir. Beləliklə, Power Point proqramında Office Mix-in elementlərindən istifadə edərək yaratdığınız dərsiniz hazır olduqdan sonra, Preview düyməsi vasitəsi ilə ona ilkin baxış mümkün olacaq. Artıq hazır dərsi Upload to Office Mix düyməsini seçərək internetde paylaşa bilərsiniz. Tədris zamanı şagirldlər üçün tərtib etdiyiniz dərsi budud texnologiyaları ilə paylaşaraq, şagirdlərin email ünvanlarını izləyicilərin siyahısına daxil etməklə, onlara dərsi izləmək imkanı verirsiniz. Əminəm ki, Office Mix təlimatı ilə tanış olan müəllim və şagirdlər onun innovativ, rahat xüsusiyyətlərini dərs və təqdimat hazırlanmasında tətbiq edəcəklər. Yüklə 55,72 Kb. Dostları ilə paylaş:
|
