Dost:
Dostumun əhvalı neyçün pozulmuş?
Bu nədir, söyləyin, burda nə olmuş?
Dərviş: (Aşiqin qolundan tutub Məşuqun
yanına gətirərək)
Lap əzəldən göz qoyub tapmışam şeytan izini,
Vaxtıdır, mən də açıb göstəim artıq düzünü.
(Heybəsindən Cadugərin maskalarını və
tapdığı məktubu çıxarıb yerə tökür)
Bir imansız Cadugər manedir çoxdandı sizə,
Şər atır, böhtan qurur daima saf eşqinizə.
( hamı təəccüblənir, Əğyar səhnədən qaçır)
Qalmamış bir tor daha Əğyar sizinçün hörməsin
Rəfiqə:
Öylə dərd tapsın onu, dərdincə məlhəm görməsin!
Dost:
Cadugər Əğyarla əlbirmiş demək!
Rəfiqə:
Tor qurub məkr iylə eylərmiş kömək!
Dost:
Dünyanın gör nə qədər xain, xəbis insanı var!
Qana qəltan etməli, məhv olmalı bir canı var!
( Əğyarın dalınca qaçmaq istəyir)
Dərviş: (Əlini qaldırıb onu dayandıraraq)
Əğyarın şər işlərin Allah bilir başdan -başa,
Sonda hər şər bəndənin bir yer ilə yeksanı var!
Dostları ilə paylaş: |
