| 2-ci kişi müğənni: (davam edir)
Vaqedə niyyət tutub gördüm hilalın yuxusun
Olmasa mənada qaş, təyyar qanadımdı mənim!
(Xanəndə qurtarandan sonra bəy oğlan(Sərdar)
onlara ənam verir).
Sərdar:
Aşıq qardaş gir meydana
Saz dillənsin yana-yana!
Aşıq: (sazı götürüb irəli çıxır)
Bu qız gülmü, zərif, incə?
Gül gözəldi öz yerində!
Nə söz tapım layiqincə?
Söz də sözdü söz yerində!
Yar yarından düşsə kənar
Özün yalqız, tənha sanar.
Könül daim oda yanar
Ürək olar köz yer yerində!
(şairə müraciətlə)
Hansı şair qəzəl deməz,
Hər məqamdam əzəl deməz?!
Kim gözələ gözəl deməz-
Çuxur qalar göz yerində!
Aşıq, könül verdin yara,
Sinən olub para-para!
Eşqin səni çəkir dara,
Bas səbrini, döz yerində!
Yerdən: “” sağ ol aşıq, “ sağ ol” səsləri,
Sərdar: (şairə)
El şairi, sən də vəsf et gəlini!
Xələt verib bəy də çıxar əlini!
Şair:
Vəslinə bənzər, gülüm, mən hansı bustandı deyim?
Yahu, bu, cənnət bağı, ya ki, gülüstandı deyim?
Dostları ilə paylaş: | 
