Adamlar silahları götürüb Sərdarın ətrafına
cəmlənməyə başlayırlar. Bir neçə döyüşçü də
kənardan gəlib onlara qoşulur. Onlardan bir dəstəsi
cəbhəyə gedir.
Sərdar: (gedənlərə)
Siz tez gedin, biz də gəlirik!
Qadınlar xoru:
Bilən yoxdur nədən dünyam kədər olmuş,
Kədər-qəmdən bütün ömrüm hədər olmuş!
Gözüm giryan, sevincim yox., qəmim bolmuş,
O yaşdır kim, axıb gözdən Xəzər olmuş!
Yazıq könlüm, yolun möhnət çəkən yolmuş,
Yüküm zillət, belim dərdə yəhər olmuş!
Gülüstanım talan, bərbad, gülüm solmuş,
Üzüm gülməz, təbəsümüm qəhər olmuş!
Çavuş Musa: (gəlir, Sərdara)
Nə durmusuz, düşmən kəndə soxulur!
Dostları ilə paylaş: |
