Elm İşığı İslam İnqilabının Böyük Rəhbəri həzrət Ayətullah Seyid Əli Xameneinin elm və elm istehsalı barədə çıxışlarından seçmələr

Tədqiqat - digər sahələrdə inkişafın şərti

Elm və tədqiqat ölkənin əkinçiliyi, sənayesi, mədəniyyəti və bir çox başqa sahələri üçün şərtdir və büdcədə buna riayət olunmalıdır. Buna yalnız hökumət deyil, parlament də riayət etməlidir. Bu iş üçün bizdə milli iradə olmalıdır. Sizin komissiyanız elmin mövqe və məqamını elə müdafiə etməlidir ki – bu həm də haqlı müdafiədir - Sənaye, Əkinçilik, yaxud Ticarət komissiyası bu komissiyanın işinin onlarla rəqabətdə olduğunu və onların payını almağa çalışdığını hiss etməsin; əksinə, bilsin ki, bu iş onlara köməkdir, onların işinə müqəddimədir və fəaliyyətlərini genişləndirə bilər.²²⁴