Elm İşığı İslam İnqilabının Böyük Rəhbəri həzrət Ayətullah Seyid Əli Xameneinin elm və elm istehsalı barədə çıxışlarından seçmələr

Əlliillik məqsəd: elm və texnologiyanın zirvəsi

İnsani istedadlar, insani qüvvə və potensial olduqca yüksəkdir. Məqsəd mənim dəfələrlə dediyim olmalıdır: ölkə elmdə və onun ardınca gələn məsələlərdə dünyanın birinci yerlərində durmalıdır. Demirəm beş ildən, on ildən sonra, xeyr, məqsədi əlli ildən sonraya təyin edin. Lakin getməli, çatmalıyıq və bunun iradəyə ehtiyacı var. Mən sizə deyirəm: Əmin olun, bu xalq elə bir xalqdır ki, əgər hərəkət etsə, məqsədinə çatacaq. Bütün xalqlar belə deyillər, bəzi xalqların bu istedadı, bəzi xalqlarda bu coğrafi mövqe yoxdur, bəzi xalqlar bu elmi-mədəni keçmişə malik deyillər, bu böyük və zəngin irsləri yoxdur, bəzi xalqların insani istedadı bu qədər deyil.⁷³²