| Qərarın işlənilməsi metodu. Bir çox qərarlar, bir qayda olaraq, tipik, təkrar olunan olurlar, uğurla rəsmiləşdirilə bilərlər, yəni əvvəlcədən müəyyən olunmuş alqoritm üzrə qəbul oluna bilərlər. Digər sözlə, rəsmiləşdirilmiş qərar (müəyyən formaya salınmış qərar) – hərəkətin əvvəlcədən müəyyən olunmuş ardıcıllıqlarının yerinə yetirilməsinin nəticəsidir.
Qərarların qəbul olunmasının rəsmiləşdirilməsi idarəetmənin səmərəliliyini artırır, çünki bu zaman səhvlərə yol verilməsi ehtimalı azalır, vaxta isə qənaət edilir: oxşar vəziyyət yarananda hər dəfə qərarı yenidən işləməyə ehtiyac olmur. Buna görə də ticarət təşkilatlarının rəhbərliyi müəyyən və daimi olaraq təkrarlanan vəziyyətlər üçün nəzərdə tutulan qərarları rəsmiləşdirir və müvafiq qaydalar, təlimatlar və normativlər hazırlayırlar.
Eyni zamanda, ticarət təşkilatının idarə olunması prosesində tez-tez yeni, qeyri-tipik vəziyyətlər və qeyri-standart problemlər yaranır və onlar da qərarı rəsmiləşdirməyə imkan vermirlər. Belə olan hallarda menecerin intellektual (əqli) qabiliyyəti, onun istedadı və şəxsi təşəbbüsü böyük rol oynayır.
Aydındır ki, təcrübədə qərarların çox hissəsi bu iki kənar nöqtələr arasında olan vəziyyəti tuturlar və həmin qərarların işlənilməsi zamanı həm şəxsi təşəbbüsə, həm də formal proseduralara yol verilir.
Dostları ilə paylaş: |
