| Xərclərin minimallaşdırılması strategiyası. Aparılmış tədqiqatlar və bizim də gəldiyimiz nəticələr göstərir ki, Azərbaycan kimi inkişaf etməkdə olan ölkələrdə təsərrüfat subyektləri xarici ticarətdə uğur qazanmaq üçün əsasən xərclərin minimallaşdırılması strategiyasından istifadə etməlidirlər. SWOT təhlilin nəticələri göstərir ki, təsərrüfat subyektlərimiz rəqibləri qarşısında istehsal resurslarının və işçi qüvvəsinin ucuz olması kimi üstünlüklərə malikdir. Rəqabətli üstünlük əldə edilməsi vasitəsi olan xərclərin minimallaşdırılması iki formada təsərrüfat subyektlərinin rəqabətqabiliyyətliliyinə təsir göstərir:
1. Rəqiblərə nisbətən xərcləri aşağı olan təsərrüfat subyektlərinin qiymətləri aşağı salmaq imkanları formalaşır və deməli, rəqiblərinə nisbətən qiymət rəqabətqabiliyyətliliyinə malik olur.
2. Xərclərin aşağı olması təsərrüfat subyektlərinin sərəncamında rəqiblərinə nisbətən daha çox sərbəst vəsait olmasına şərait yaradır ki, bu da onlara yeni layihələrin maliyyələşdirmə və bizneslərini genişləndirmə imkanı yaradır.
Deməli, xərclərin minimallaşdırılması strategiyası çərçivəsində rəqabətli üstünlük əldə etmək istəyən təsərrüfat subyektlərinin qarşısmda duran əsas məsələ xərclərin mümkün minimallaşdırılmasına nail olmaqdır. Bunun üçün isə xərclərin formalaşmasına təsir göstərən əsas amilləri müəyyənləşdirmək, onları təhlil etmək və mümkün dərəcədə aşağı salmaq lazımdır. Xərclərə təsir göstərən amillər və onlarm təsir səviyyələri sahədən-sahəyə və hətta müəssisədən-müəssisəyə dəyişsə də, onları aşağıdakı kimi ümumiləşdirmək olar (şəkil 2.4):
Xərclər
Şəkil 2.4. Xərclərin minimallaşdırılması amilləri [20]
Dostları ilə paylaş: | 
