Birinci, investisiyalar xərclərin böyük və dəyişkən komponenti olduğuna görə investisiyaların kəskin artması və ya azalması məcmu tələbə kəskin təsir göstərə bilər, məcmu tələbin dəyişməsi isə öz növbəsində istehsala və məşğulluğa təsir göstərəcəkdir.
İkinci, investisiyalar kapital yığımına səbəb olurlar. Avadanlıq və tikililərin artımı
ölkənin potensial istehsalını genişləndirir və uzun müddətə iqtisadi artımı tə’min edir.
Beləliklə, investisiyalar ikili rol oynayırlar [9-11]:
qısa dövrdə istehsala məcmu tələb ilə təsir göstərməklə;
uzun müddətli dövrdə kapitalın yaranmasının potensial istehsala və məcmu təklifə təsir göstərməsi yolu ilə.
İnvestisiya qoyuluşunda birbaşa və portfel investisiyaları daha böyük əhəmiyyət kəsb edirlər. Kapitalın qoyulma məqsədinə görə bölgüsü investisiya qoyuluşu sahəsində böyük praktik əhəmiyyətə malikdir. Bu bölgüyə əsasən birbaşa investisiyalar və portfel investisiyaları mövcuddur.
Dostları ilə paylaş: |
