Bölgü və təyinat. ƏS kompüter resurslarının icrası üçün novbədə gözləyən tapşırıqların paylanmasını həyata keçirir. Məs. ƏS-nin funksiyalarına fəallaşan hər bir proqram və onların verilənləri üçün yaddaş sahəsi ayırmaq, giriş-çıxış qurğularının (klaviatura, printer, monitor, şəbəkə kartı) idarə etmək aiddir.
Planlaşdırılma. Müasir kompüterlər eyni zamanda bir neçə proqram icra edə bilərlər. Bu halda ƏS-nin əsas vəzifəsi həmin proqramların tez və effektli yerinə yetirilməsi üçün kompüterin bütün hissələrinin fəaliyyətinin uzlaşdırmaqdan ibarətdir.
Nəzarət. ƏS kompüterin işinə nəzarət edir. O, hər bir fəal proqramın yerinə yetirilmə mərhələsini izləyir. Bundan əlavə, ƏS çox böyük proqramlar kopmpleksindən ibarətdir. Ona görə də əməli yaddaşda ƏS-nin nüvə (kernel) adlanan bir hissəsi yüklənir. Qalan böyük hissəsi isə kompüterin diskində saxlanılır. Fəal proqramın icrası üçün ƏS-nin hər hansı hissəsi lazim olduqda o diskdən əməli yaddaşa yüklənir. ƏS saxlanan disk sistem diski adlanır.
