| Ər və arvadın rolu
Qız və oğlan çalışıb bu əlaqəni qorumalıdırlar. Onların birinin vəzifəsi deyil ki, deyək biri nə iş görsə, digəri dözsün. Xeyr, hər ikisi bu işin baş verməsi üçün bir-birinə kömək etməlidirlər.1
Deyə bilmərik ki, ərin, yaxud qadının rolu daha çoxdur. Xeyr, bu təməli və sonralar tədricən artan bu ikinəfərlik cəmiyyəti qorumaqda hər ikisinin rolu var.2
Ailəni iztiraba, qüssəyə və yersiz həyəcanlara düçar edən hər bir şeydən çəkinin. Həm qadın, həm də kişinin məqsədi keçinmək, birgə yaşamaq və yoldaşlıq etmək olmalıdır. Ailədə mövcud olan xeyirlər ər və arvada və sonda övladlara məxsusdur, bir tərəfə xas deyil. Əgər Allah eləməmiş, ailədə sevgi olmasa, etimad və səmimiyyət olmasa, əziyyəti hər iki tərəfə aid olacaq.3
Ailə təməlinin möhkəmləndirilməsində ər və arvadın özləri ən çox rola malikdirlər. Zaman ötdükcə öz həmkarlıqları, öz mehribanlıqları, məhəbbətləri və yaxşı əxlaqları ilə (məhəbbət hamısından mühümdür) bu əsası davamlı və bu uyğunluğu daimi edə bilərlər.4
Dostları ilə paylaş: |
