| Bir-birini xeyir işlərə həvəsləndirmək
Həmişə və bütün vəziyyətlərdə bir-birinizlə keçinin, bir-birinizə kömək edin, bir-birinizin yardımçısı olun; xüsusən də Allah yolunda və vəzifəni yerinə yetirmək yolunda. Əgər oğlan Allah yolundadırsa, qız ona kömək etsin. Əgər qız vəzifəsini yerinə yetirmək və Allah yolundadırsa, oğlan ona kömək etsin. Hansı çalışırsa, digəri ona kömək etsin.4
Əgər oğlan elm işindədirsə, İslam Respublikası orqanlarında çalışırsa, xanım onunla həmkarlıq etsin ki, işini asanlıqla görə bilsin. Kişi və oğlanlar həyat yoldaşlarına imkan versinlər ki, qadınlar da mənəviyyat yarışının bu sahələrinə daxil ola bilsinlər; əgər elm öyrənmək istəyirlərsə, bunu etsinlər; əgər ictimai işlərə qoşulmaq istəyirlərsə, bunu etsinlər.1
Ər və arvad çalışıb bir-birini Allah yoluna hidayət etsinlər, bir-birini doğru yolda saxlasınlar və qorusunlar. Müsəlmanlığın xüsusiyyəti və imanın ən önəmli səciyyəsi olan haqqa və dözümlülüyə tövsiyəni2 nəzərə alsınlar.3
Hər ikisi bir-birinin dindar olmasına və təqvaya riayət etməsinə kömək etsinlər. Yəni kişi həyat yoldaşının dindar olub təqvaya riayət edə bilməsinə yardım etsin, qadın da kişinin dindar olub, iffətli qalmasına və təqva ilə hərəkət edə bilməsinə yardım etsin.4
Kömək dedikdə məqsəd təkcə qab yumaq və digər bu kimi işlər deyil. Sözsüz ki, bunlar da köməkdir, lakin məqsəd daha çox psixoloji köməkdir, mənəvi və əqli köməkdir. İslam yolunda bir-birlərini möhkəm saxlasınlar, təqvaya, dözümlülüyə, dindarlığa, iffətə, qənaətcilliyə və sadə yaşayış tərzinə çağırsınlar. Ən yaxşı şəkildə yaşaya bilmələri üçün bir-birləri ilə həmkarlıq etsinlər.5
Dostları ilə paylaş: |
