| "Mehrim halal, canım xilas!"
Bəzən kişi elə olur ki, qadının nə qədər mehri olsa da, deyir "mehrim halal, canım xilas!" Mehr heç kəsi xoşbəxt etmir, şəriət yolu insanları xoşbəxt edir.
Məhəbbətin də bu işlərlə əlaqəsi yoxdur. Belə məsələlərdə pul nə qədər az olsa, maddi amil çıxarılsa, insani amil güclənər, məhəbbət artar.1
Bəziləri elə bilirlər ki, ağır mehr evliliyin qorunmasına kömək edir. Bu səhvdir, yanlışdır. Əgər Allah eləməmiş, bu ər-arvad düz adam olmasalar, ağır mehr heç bir möcüzə edə bilməz.2
Bəzən gəlin tərəfin ailəsi deyir ki, biz çox yüksək mehr istəmirik, lakin bəyin ailəsi poz vermək və öyünmək üçün deyir ki, yox, olmaz, neçə milyon, yaxud filan qədər olsun. Bunların hamısı İslamdan uzaqdır. Heç kəs yüksək mehrlə xoşbəxt olmayıb. Əgər mehr olmasa, qızlarının izdivacının zəifləyəcəyinin güman edənlər səhvdədirlər. İzdivac əgər məhəbbətlə olsa, düzgün vəziyyətdə olsa, mehrsiz də zəifləməz. Amma əgər xəbislik, çoxbilmişlik, hiyləgərlik və digər belə amillər əsasında olsa, mehr nə qədər çox olsa da, xəbis və hegemon kişi bu mehrin altından qaçmaq üçün bir iş görəcək.3
Bəziləri deyirlər ki, biz talağın qarşısını almaq üçün mehri ağırlaşdırırıq. Bu çox böyük səhvdir. Heç bir ağır mehr talağa mane olmur və olmamışdır. Talağa mane olan amil əxlaq və rəftardır, İslam meyarlarına riayət etməkdir.4
Dostları ilə paylaş: |
