Ağa kimi yox, dayə kimi
Ər və arvad düzgün yolda, Allahın doğru yolunda bir-birinə dayaq olmalıdırlar. Əgər bunların hər hansı biri həyat yoldaşından xeyirli bir əməl və yaxşı bir iş görürsə, onu həvəsləndirməlidir. Əgər əksinə, Allah eləməmiş, onda bir səhvin və yayınmanın mövcud olduğunu duyursa, onu düzəltməyə çalışsınlar. Allah yolunda bir-birinə kömək edib bir-birini həvəsləndirsinlər.2
Ər və arvad bir-birini islah etməyə çalışmalıdırlar. Dayanmadan digərini çalan ağa kimi yox, bir dayə, qayğıkeş ana və ata kimi.3
Həyatda cütlüyün müştərək cəhəti Allaha diqqətdən, ilahi əmrlərə itaətdən və Allahın fərmanını yerinə yetirməkdən ibarət olmalıdır. Ər və arvad bu istiqamətdə bir-birini qorumalıdırlar. Əgər qadın ərinin dini məsələlərə etinasız olduğunu görürsə, onu hikmətlə, gözəl əxlaqla, qadınlıq incəliyi və zirəkliyi ilə Allah yoluna gəlməyə vadar etməlidir. Kişi də həyat yoldaşının etinasız olduğunu görürsə, o da həmin vəzifəni yerinə yetirməlidir. Bu, həyatda əsas işlərdəndir.4
Əxlaqi ehtiyat
Həyat yoldaşına ən mühüm kömək onu dindar saxlamağa çalışmaqdır. Ehtiyatlı olun ki, həyat yoldaşınız dini səhvə yol verməsin. Bu ehtiyat gözətçilik mənasında deyil. Bu ehtiyat əxlaqi ehtiyatdır, mehriban və şəfqətli ehtiyatdır. Əgər həyat yoldaşınızdan bir səhv görsəniz, onu çox incə və ağıllı tərzdə aradan qaldırmalısınız. Ya xatırlatma ilə, ya da bəzi qaydalarla bir-birinizə qarşı məsuliyyət daşıyırsınız.
Əgər qadın ərinin pis ticari işlərə qurşandığını, dostbazlıqlara və pis rəftarlara düçar olduğunu görsə, yaxud kişi həyat yoldaşının bəzi səhv dəbdəbələrə, yaxud veylliyə düçar olduğunu görsə, deyə bilməz ki, o özü bilər. Xeyr, sizin hər birinizin bir-birinizə qarşı vəzifəniz var; öz səyinizi toplamalısınız. Qadın və kişi bir-birinə təsir göstərə bilərlər.1
Dostları ilə paylaş: |