| Birinci addım: Qarşılıqlı hörmət
Ər və arvad bir-birinin hörmətini saxlamalıdırlar; özü də zahiri və formal hörmət yox, həqiqi hörmət.4
Hörmətin mənası bu deyil ki, misal üçün, bir-birini ləqəblərlə və xüsusi formada çağırsınlar. Əslində kişi öz qadınına və qadın öz kişisinə qarşı ürəkdən hörmət bəsləməlidir.
Hörməti öz qəlbinizdə qoruyun. Bir-birinizə hörmət tanıyın. Həyatın idarəsində bu mühüm məsələdir. Ər və arvad arasında hörmətsizlik, təhqir və aşağılama olmamalıdır.5
İkinci addım: Etimad
Məhəbbəti qorumaq budur ki, ər və arvad bir-birinin etimadını cəlb etsinlər. Arxayınlıq yarandıqda məhəbbət möhkəmlənir və ünsiyyət əmələ gəlir.1
Məhəbbətin əsası etimaddır. Əgər ər və arvad arasında etimad ortadan götürülsə, məhəbbət yavaş-yavaş ortadan götürüləcək. Bir-birinizə etimadınız olmalıdır!2
Əgər tərəf-müqabilinizin sizə qarşı məhəbbətinin çox olmasını istəyirsinizsə, vəfalı olun, onun etimad hissini cəlb edin. Ailədə məhəbbəti bütünlüklə sıradan çıxaran amillərdən biri ər və arvadın bir-birinə qarşı etimadsızlığıdır.3
Məhəbbət elə bir şeydir ki, onun üçün şərait yaratmaq lazımdır. Şəraiti də budur ki, qız çalışıb ərinin etimadını cəlb etsin, oğlan da çalışıb yoldaşının etimadını cəlb etsin. Hər iki tərəfin etimadı yarandıqda hər ikisi bir-birinin vəfadarlığına arxayın olacaq, məhəbbət də çoxalacaq.4
Vəfadarlıq çox mühümdür. Əgər qadın ərinin ona vəfalı olduğunu və ər yoldaşının ona vəfalı olduğunu hiss etsə, bunun özü məhəbbət yaradan amildir. Məhəbbət yarandıqda ailə möhkəm olacaq, uzun illər davam edən möhkəm və güclü bir bina qurulacaq.5
Əgər qadın, yaxud ər yoldaşının qəlbinin ayrı yerdə olduğunu hiss etsə, əgər ona doğru demədiyini hiss etsə, əgər ikiüzlü rəftar etdiyini hiss etsə, əgər ortada səmimiyyətin olmadığını duysa, nə qədər məhəbbəti olsa da, məhəbbət zəifləyəcək.6
Dostları ilə paylaş: | 
