Ev təsərrüfatlarının gəlirlərinin mövcud vəziyyəti: kənd təsərrüfatı fəaliyyəti sahələri üzrə gəlirlərin təhlili.
N.N.Məmmədov1
1Doktorant, ADAU
1mammadovniyaz@mail.ru
Xülasə
Elmi-tədqiqat işində ev təsərrüfatlarının tədqiqatının əhəmiyyəti, xüsusi ilə dağlıq və dağətəyi bölgələrdə olan ev təsərrüfatlarının gəlir mənbələrinin tədqiqinin aktuallığı vurğulanmışdır.
Tədqiqat işinin özəyini Azərbaycanda və Gürcüstanda dağlıq və dağətəyi bölgələrdə olan ev təsərrüfatlarının kənd təsərrüfatı fəaliyyətindən gəlir mənbələrin araşdırılması təşkil edir. Hər iki ölkədə tədqiqat üçün ev təsərrüfatlarının seçilməsi və seçilmiş obyektlərdə sorğunun təşkili metodologiyası haqda məlumat verilmişdir. Eyni zamanda, sorğu nəticəsində əldə edilmiş məlumatlar əsasında ev təsərrüfatlarının kənd təsərrüfatı fəaliyyəti növləri üzrə gəlirləri, xərcləri və rentabellik səviyyəsi hesablanmışdır. Həmçinin müvafiq sahələrdən mənfəətin hesablanması da təmin edilmişdir. Müqayisəli şəkildə aparılan təhlillər nəticəsində hər iki ölkənin ev təsərrüfatlarının kənd təsərrüfatı sahəsində gəlirinə təsir edən faktorlar müəyyənləşdirilmişdir. Məqalədə müxtəlif mənbələr üzrə gəlirlərin az və çox olmasının səbəbləri müəyyənləşdirilmiş, ev təsərrüfatlarının gəlirinin artırılması imkanları araşdırılmışdır. Əldə edilmiş nəticələr əsasında müvafiq təkliflər verilmişdir.
Açar sözlər: ev təsərrüfatları, kənd təsərrüfatı, gəlir, mənfəət, xərc, rentabellik səviyyəsi.
Dostları ilə paylaş: |
