Эярдяни аь гу кими

HAMIMIZ BİR GÜNƏŞİN ZƏRRƏSİYİZ (s.34-35)
«Gülzar», Bakı 1912, s.70. Birinci və dördüncü nəşr­lərə daxil edilmişdir. Avtoqraflarda şerin yazılış tarixi 1910-cu il göstərilir. Burada axırıncı nəşr əsas götürülmüşdür.
SÜKUTUMDAN ŞİKAYƏTÇİ BİR QADINA (s.35)
«İqbal» qəzetində «Sükutumdan şikayət edənə» adı ilə çıx­mış­dır (29 dekabr 1913, № 541). Birinci, ikinci və dördün­cü nəşrlərə daxil edilmişdir. Avtoqraflarda şerin yazılış tarixi 1910-cu il göstərilmişdir. Müəllifin bəzi düzəlişlər etdiyi son variant əsas götürülmüşdür.
SON BAHAR (s.36)
«Gülzar», Bakı, 1912, s.60. Bütün nəşrlərə daxil edil­miş­dir. Burada son nəşr əsas götürülmüşdür. Avtoqraflarda şe­rin yazılış tarixi 1910-cu il göstərilmişdir.

QIŞ (s.36)
«Gülzar», Bakı, 1912, s.66-67. Bütün nəşrlərə daxil edil­mişdir. Son nəşrin mətni əsas götürülmüşdür. Avtoqraf­lar­da şerin 1910-cu ildə yazıldığı göstərilir.
DAĞLAR SULTANI (s.37-38)
«Məktəb» jurnalı, 9 iyun 1912, № 14, s.211-212. Bütün nəşrlərə daxil edilmişdir. Şerin avtoqrafları ilə ilk nəşri ara­sın­da əhəmiyyətsiz fərqlər vardır. Burada son nəşr əsas götü­rül­müşdür. Nəşr tarixi avtoqraflarda və nəşrlərdə yanlış olaraq «1913-cü il» göstərilmişdir. F.Köçərlinin Qoridən A.Şaiqə gön­dərdiyi 10 oktyabr 1911-ci il tarixli mətbuatdan görünür ki, şer həmin ilin yayında yazılmışdır. Məktubda deyilir: «…bizim dağların gözəl mənzərələri təbi-şeriyyənizə bir növ təhrik verib təzə fikirlərin və təzə xəyalların doğmasına sə­bəb olubdur, …»Dağlar sultanı» kimi gözəl bir əsərin vücuda gəlməsidir».

Bu məktubdan aydın olur ki, A.Şaiq F.Köçərliyə çoban­la­ra həsr edilmiş bir neçə şer göndəribmiş. Bunların bizə ancaq biri məlumdur.

İNTİZAR (s.38-39)
«Gülzar», Bakı, 1912, s.111-112. Bütün nəşrlərə daxil olan bu şer rus şairi İ.V.Nikitindən (1824-1861) təbdil edil­mişdir. Avtoqraflarda şerin yazılış tarixi 1911-ci il göstərilir.