ƏKİN NƏĞMƏSİ (s.16)
«İkinci il», Bakı, 1908, s.38. Son iki nəşrə daxil edilmişdir.
KÖÇ (s.16-17)
Şer son nəşr əsasında verilir (s. 13). Həmin nəşr üçün hazırlanan materiallar içərisində müəllifin, üzərində qeydləri olan bir maşın yazısında şerin 1907-ci ildə yazıldığı göstərilmişdir. Şairin arxivində olan qara cildli şerlər dəftərində isə şerin yazılış tarixi yoxdur.
PARÇALAR (s.17)
Bütün nəşrlərə daxil edilmişdir. Müxtəlif avtoqrafları olan bu şer müəllif tərəfindən üçüncü nəşr üçün işlənmiş, dili sadələşdirilmişdir. Bəzi son avtoqraflarda birinci beyt bərpa olunduğu üçün biz də olduğu kimi saxladıq.
Üç bənddən ibarət olan bu şer ilk əlyazmalarında «Atəşlərim», «İnanın» və «İğbirarım» sərlövhələri altında müstəqil mənzum parçalar kimi verilmişdir.
Birinci bənd 1908-ci il fevralın 22-də, ikinci bənd isə həmin il fevralın 27-də yazılmışdır.
Dostları ilə paylaş: |
