Эярдяни аь гу кими

Ver əlini,

Amma sonra dəyişdirmə dilini.
R ü s t ə m
Bən sözümdən qaçmaram qorxma.

G ü l s ə n ə m

Yəqin?

R ü s t ə m
Bir saatlıq işdir sənin işlərin,

Nə var onda, su içməkdən asandır.

G ü l s ə n ə m
Yox, bağışla, sənin işin asandır,

Zəhmətimə ancaq verən yox baha.

R ü s t ə m
Bəsdir, sabah məlum olar ağ-qara,

Pozma hələ bügünlük əhvalını.

G ü l s ə n ə m
Allah qoysa, sabah görərəm halını.
(hər biri acıqlı bir tərəfə gedir)
P ə r d ə

İKİNCİ PƏRDƏ
(Səhnə vaqe olur Rüstəm kişinin evində.

Rüstəm kişi qapı ağzında bir kötük üstündə

oturub çubuq səkir. Anası Qəmər də bir

tərəfdə oturub, cəhrə əyirir. Gülsənəm əlində

ağac və ayaqlarında çarıq Rüstəmə deyir)
G ü l s ə n ə m
Öküzləri qoşub, cütə gedirəm,

Bax, sənə bu vəsiyyəti edirəm.

Bən gəlincə süpür qapı-bacanı,

Uşağım ki, hələ Allah amanı.

Yaxşı saxla, ağlatma, göz-qulaq ol,

Cücə, toyuqlardan dəxi sayaq ol.

Gözlə, aparmasın quzğun, çalağan,
R ü s t ə m
Bildim, bildim.
G ü l s ə n ə m
Darıxma, bir az dayan.

Nehrə çalxalayıb, bir az da yağ tut,

Qaynar qazan as, paltarı yu, qurut.

Qoymayasan daha buzovu gözdən,

Şələ tutub, odun gətir meşədən.

Xəmir yoğur, sac as, ocaği qala,

Bən gəlincə hər bir şeyi hazırla.

Qatıq üçün çalası qoydum cama,

(donunu atır ona)
Bən gəlincə donumu da al, yama.

İnəkləri, qoyunları sağ. Südün

Bişir qatıq çal, qaymağın tut, bildin?
R ü s t ə m
(Rüstəm başına hərəkət verə-verə)

Bildim, bildim, hamısını anladım.

G ü l s ə n ə m
Bən gedirəm.
(Gülsənəm gedir)
R ü s t ə m
Allaha ismarladım.

Hay, hay, duza gedirsən, ay binəva,

Axşam qayıdanda vardır tamaşa.

Qəbul edim gərəkdir tənəsin,

Cüt sürmənin ləzzətini qoy görsün.
(Çubuğunu boşaldıb anası Qəmərə

yaxınlaşaraq)

Gültək bir az açıl, danış və söylə!

Q ə m ə r

Nə söyləyim? Açıl bənim başımdan.

R ü s t ə m

Bir az yenə danış cavanlığından.

Atam səni əvvəlcə harda gördü?

Sənmi sevdin onu, yoxsa o sevdi?

Q ə m ə r
Ələ salmamısan, rədd ol, ay çağa?
R ü s t ə m
Salmamışam səni ələ, ay ağa,

İstiyorum bir azca söhbət edək.

Q ə m ə r

Kefim yoxdur, başımı eləmə təng.

R ü s t ə m
Eləmirsən indi bənimlə söhbət?
(tərəfə)
Kefə götürrəm bən səni bu saət

Hanı düdük, hanı? Əlimə alım,

Bir az anam üçün oxuyub çalım.
(düdüyü götürüb çalır)

İrəvanda mən işlərəm,

Xəncərimi gümüşlərəm,

Bir öpərəm, üç dişlərəm,

Üç telli, dörd telli, ğeş telli durna.
Haralısan, haralı, durna,

Sənsən aləmin maralı durna.

Evlərinin ardı təpə,

Yağış yağar səpə-səpə.

Oyadaram öpə-öpə,

Üç telli, dörd telli, beş telli durna.

Haralısan, haralı, durna,

Ovçu əlindən yaralı durna.

Q ə m ə r
Bu havanı gözəl çalırdı atan,

Oxuyurdu, valeh olurdu insan.

R ü s t ə m

Atam ki, var dünyada tək kişiydi,

O tutduğu işlər kimin işi idi?

Gözəl, üca boylu bir insan imiş,

Adlı, sanlı igid pəhləvan imiş.

Söylə görüm, atammı sevdi səni,

Yoxsa sənmi?
Q ə m ə r

Yox, yox, o sevdi bəni.

R ü s t ə m
Atam sevmiş səni? Bəs bən eşidən,

Ölürmüşsən onun məhəbbətindən.

Gecə qapıları özün açmısan,

Qoşulmusan rəhmətliyə, qaçmısan.

Q ə m ə r

Bəsdir, bəsdir, danışma çox Allahsız.

R ü s t ə m

Aləm deyir, bən demirəm ki, yalqız

Deyirlər ki, çox gözəl idi atan,

Anan sevdi gətirdi.

Q ə m ə r
Danışma böhtan.

Məgər ondan əksik idim bən özüm?

Oğlanlardan can alrdı qaş-gözüm.

Cavan idim, gözəl idim, çağ idim,

Lalə tək qırmızı, su tək ağ idim.

Atan hər gün yol üstündə dururdu,

Bənə baxır, bığlarını bururdu.

Çöldə çiçək dərib bir-bir qoxurdu,

Qəmli-qəmli mahnılar oxuyurdu.
R ü s t ə m
Səni o çox sevirmiş, söylə görüm,

Sən də onu sevirdinmi?

Q ə m ə r