ƏZİz bacima nəSİHƏT

Qız var, hicab geyir, istiyə dözür Allah üçün,

Qız da var, mini geyir, soyuğa dözür kişilər üçün.

QEYRƏT

Əziz bacım! Ərəb lüğətindən bizim dilə keçən qeyrət¹ sözünün mənası- “dəyişiklik” deməkdir. Amma, xalq arasında bu kəlmə adətən, insanın öz namusunu, dinini, şəxsiyyətini, vətənini və mal-dövlətini qorumasına deyilir. Qeyrətli insanın bütün bu qeyd olunmuş mövzuların müdafiəsində sifəti şiddətlə dəyişdiyinə görə ona “qeyrətli” adı verilir. Bütün bu mənaların müqabilində hər kəsin namusuna, şəxsiyyətinə, vətəninə, dininə və mal-dövlətinə qarşı təcavüz olarsa, bu zaman o, müdafiə etməsə və yerindən tərpənməsə, ona el arasında qeyrətsiz və ya (əgər xüsusilə, namusunu qorumasa), dəyyus ləqəbləri verilir.

Allahın Elçisi (salləllahu ələyhi və alihi və səlləm) belə buyurur: “Cənnətin ətirli iyi beş yüz illik məsafədən duyulur. Amma iki dəstə insan, Behiştin iyini heç vaxt duymaz. Onlardan birincisi valideyninin üzünə ağ² olan, ikincisi isə dəyyusdur.” Soruşdular: “Ey Allahın Peyğəmbəri! Dəyyus kimdir?” Buyurdu: “Həyat yoldaşının zina etdiyini bilən və bu əməlin qarşısını almayan kəs dəyyusdur.”³