ƏZİz bacima nəSİHƏT

Əziz bacım! Heç xəbərin varmı ki, Azərbaycanda azərbaycanlıların yəhudi qədər belə hörməti yoxdur?! Yəhudilər öz məktəblərində dini geyimdə əyləşib rahat dərs oxuyurlar. Lakin azərbaycanlı şagirdlərin öz dini geyimdə dərs alması qadağandır.

Təhsil ocaqlarında hicaba qadağa qoyulmasına heç bir arqumentli cavab tapmayan Milli Məclis üzvləri İslamda “yenilik” etməyə cəhd göstərdilər. Artıq bir neçə müddətdir ki, sifarişlə işləyən bəzi dövlət məmurları Ölkəmizdə “İslamın Azərbaycan mdeli” layihəsini irəli sürüblər. Bu qorxaq və dünyapərəst məxluqlar Allaha və dinə olan sonsuz kin və küdurətlərini bir daha sübut etmək üçün “İslamın Azərbaycan modeli” - nin hicabsız olduğunu iddia edirlər. Saray mollaları buna susur və Əhli-beytdən (ələyhimussalam) oxuyan məddah isə klip çəkdirməklə Azərbaycan xanımlarına yeni “şeytani hicab modeli” təqdim edir. “Azərbaycan İslam modeli” - yəni “İsrail islamı.” Bu o deməkdir ki, tədricən bütün dini ayinlər və dindarlar sarayın maraqlarının qulluğunda olacaqlar, bütün hökmlər və ayinlər tağutların istədiyi kimi təfsir və tətbiq olunacaq. Əgər Allahdan qorxan, dinin əsl keşikçiləri olan alimlər gec də olsa, indidən bu şeytani addımlara etiraz etməsələr, sonra gec olacaq, nəticədə isə dinin təbliği tam şəkildə yaltaq məddah və mollaların ixtiyarına keçəcəkdir.¹

Hicab - qadının ucalıq, şərəf, kəramət və izzətidir. Hicab - düşmən qarşısında bir qalxandır. Elə bir qalxandır ki, Onun əzəmətindən qorxub Ölkəmizdə bu “qeyrət simvolu”nu boğmaq istəyirlər. Onlar anlayırlar ki, əgər xanımlar örtünsələr, gec-tez qeyrətsizlik məhv olub aradan gedəcəkdir. Ona görə də bu daxili və xarici düşmənlər, qeyrətsizliyi yaşatmaq üçün əllərindən gələni etməyə və ən murdar günahlara belə əl atmağa həmişə hazırdılar.

Hicab - qadınların hüququnu məhdudlaşdırmır, əksinə hicablı onların hüququnu hakimiyyət məhdudlaşdırır. İşlə təminatda hicablı qadınlara məhdudiyyətlərin yaradılması, təhsil müəssisələrində onların sıxışdırılması artıq ciddi siyasi problemə çevrilib. Hicablı qadınların işlə təminatı üçün hətta ilkin müsahibə mərhələsində hicabın çıxarılması tələb kimi qoyulur. Bütün bunlar bir daha sübut edir ki, müsəlman qadınların və qızların istifadə etdiyi hicab, İslam əxlaqının və dini inancın göstəricisidirsə, İslam mədəniyyətinə düşmən kəsilən qüvvələr üçün siyasi və iqtisadi təzyiq vasitəsidir.

İslamın zinəti, hüsnü-həyası,

Müsəlman qadının gözüdür hicab.

Bizə yadigardı Ali-Əbadan,

Xanım Fatimənin özüdür hicab.