ÖZ DƏYƏRİNİ VƏ QƏDRİNİ BİL!
Əziz bacım! Müəllim dərsdə 100 manatı tələbələrə görsədib dedi: “Bu pulu kim istəyir? Tələbələr hamısı bir ağızdan dedilər: “Mən! Mən! Mən!”
Müəllim əlindəki 100 manatlığı əzik-üzük etdi, sonra yenə soruşdu: “Bu pulu kim istəyir?” Tələbələr hamısı bir ağızdan cavab verdilər: “Mən! Mən! Mən!”
Müəllim əlindəki 100 manatlığı ayağının altına atdı, tapdaladı, çirkləndirdi... Sonra yenə soruşdu: “Hələ də bu pulu istəyən var?” Tələbələr yenə də hamısı bir ağızdan dedilər: “Mən! Mən! Mən!”
Müəllim dedi: “Dostlar, siz hamınız bu gün çox böyük bir dərs öyrəndiniz.” Mən bu pulun başına nə gətirdimsə, siz onu istəməyə davam etdiniz. Çünki mənim bu pula etdiyim müsibətlər pulun dəyər və qiymətini qətiyyən azaltmadı. Hərçənd ki, əzildi, tapdalandı, çirkləndı...
Bəli, biz də çox vaxtlar öz həyatımızda verdiyimiz qərarlara, seçdiyimiz seçimlərə, atdığımız addımlara görə çətinliklərə məruz qalırıq, əzilirik, yerə yıxılıb çirklənirik, simamız nisbətən dəyişir... Və bizə elə gəlir ki, daha heç kimə lazım deyilik, artıq həyatı uduzduq, yaşamaq bizim üçün mənasızdır, artıq dəyərsizik...
Amma bunlar səhv və yanlış fikirlər, şeytani vəsvəsələr və puç hisslərdir.
Dostları ilə paylaş: |
