Bəhanə 2: Mən hesab edirəm ki, ən başlıcası “qəlbin təmiz olması”dır. Hicab taxmasan da olar. Cavab: Müqəddəs və mübarək dinimiz də qəlbin təmizliyini əsas amillərdən sayır. Amma məhz elə hicab - həmin bu qəlb təmizliyinə nail olmağın zəruri elementlərindəndir. Maraqlıdır, Allahın sözünə qulaq asmayanın ürəyi necə təmiz ola bilər? Belə çıxır ki, sənin qəlbin, hicab bağlayan Həzrət Fatimədən (ələyhəssalam), yaxud Həzrət Zeynəbdən (ələyhəssalam) də təmizdir?!
Bəhanə 3: Camaat hicab bağlayana pis baxır və onu cəmiyyətdən “geridə qalmış” bir insan kimi tanıyır. Cavab: Bəs onda dünyada müxtəlif peşələrdə (müəllimə, həkim, mühəndis, hətta nazir vəzifəsində) çalışan və eyni zamanda hicaba riayət edən xanımlara, həmçinin xalqımızın Məshəti, Şəhrəbanu kimi görkəmli yazıçı və şairələrinə sözün nədir? Onlar da “geridə qalmış” olublar? Sözsüz ki, milyonlarla möminə xanımların hicaba riayət etməsi, dediyinin əksini sübut edir. Bir də ki, insanların gözündə uca görünüb onların razılığını qazanmaqdansa, Allahın dərgahında ucalmaq və Onun razılığını qazanmaq məntiqə uyğun deyilmi?
Bəhanə 4: O qədər hicab bağlayan tanıyıram ki, gizlində min cür oyundan çıxır, özlərini layiqli aparmır və istənilən səviyyədə başqalarına nümunə ola bilmirlər. Cavab: Elə isə, sən o kəslərdən ol ki, nümunəvidirlər, hicaba düzgün riayət edir və bununla yanaşı öz ləyaqətlərini də qoruyurlar.
Bəhanə 5: Mən niyyət etdim ki, filan arzum yerinə yetsə, hicab bağlayaram. Lakin arzum yerinə yetmədi. Cavab: Sən öz Yaradanına şərtmi qoyursan? Biz necə bilə bilərik ki, xeyirimiz və ziyanımız hardadır? Məsələn, ola bilər ki, sənin niyyətin və arzun bahalı bir avtomobil almaq idi. Lakin bu barədə olan yerinə yetməmiş arzun, səni ağır bir qəzaya (ölümə) gətirəcəkdi. Qurani-Kərim buyurur: «...Bəyənmədiyiniz bir çox şeylər var ki, sizin üçün xeyirli və bəyəndiyiniz bir çox şeylər var ki, sizin üçün zərərlidir. Allah bunları bilir, siz isə bilmirsiniz.» (Bəqərə surəsi, ayə 216).
Bəhanə 6: Mən qorxuram ki, hicaba düzgün riayət etməyim. Bunu yerinə yetirmək mənim üçün çətin olsun. Yenidən başımı açacağımdan qorxduğum üçün örtünmürəm. Cavab: Qətiyyən qorxma! Əvvəl örtün, sonra bu haqda fikirləşərsən! Səndən qat-qat zəif və fiziki cəhətdən xəstə olan xanımlar belə hicaba sonsuz eşqlə riayət edir, heç nədən qorxmur və bundan yalnız fayda aparırlar.
Bəhanə 7: Sərbəstliyimin əlimdən alınacağından qorxduğum üçün başımı örtmək istəmirəm. Cavab: Görəsən, Qiyamətdə dirilib Allah-təalanın hüzurunda sərbəst ola biləcəksənmi?
